କଟକ: ଦୁର୍ଦ୍ଦାନ୍ତ ଅପରାଧୀ ବିଭୁ ପ୍ରସାଦ ସିଂକୁ ଗିରଫ କରିଛି ମାହାଙ୍ଗା ପୋଲିସ । ତା ଘର ମାହାଙ୍ଗା ଅଞ୍ଚଳର ମୁଲବସନ୍ତ ଗାଁରେ ହୋଇଥିବା ଜଣାପଡିଛି । ଗତ ଏପ୍ରିଲରେ ମାହାଙ୍ଗା ଅଞ୍ଚଳରେ ହୋଇଥିବା ଏକ ଡକାୟତି ଘଟଣାକୁ ଭିତ୍ତି କରି ମାହାଙ୍ଗା ଥାନା ପୋଲିସ ବିଭୁ ସିଂହକୁ ଗିରଫ କରିଛି । ମାହାଙ୍ଗା ଥାନା ଅଞ୍ଚଳର କୋଟପଡାରୁ ଦୁର୍ବୃତ୍ତକୁ ଗିରଫ କରିଛି ପୋଲିସ ।
ଭିଡିଓ ସୌଜନ୍ୟ- ସମ୍ବାଦଦାତା, କଟକ
ଡକାୟତି ମାମଲାରେ ପୂର୍ବରୁ 3ଜଣକୁ ଗିରଫ କରାଯାଇଥିବା ବେଳେ ମୁଖ୍ୟ ଆସାମୀ ବିଭୁ ଫେରାର୍ ହୋଇଯାଇଥିଲା । ଏଥିସହ ବିଭୁ ପାଖରୁ ଏକ ଖଣ୍ଡା, ତିନୋଟି ଛୁରୀ , ଏକ ପିସ୍ତଲ ସହ 2 ଟି ଗୁଳି ଜବତ ହୋଇଛି । ଡକାୟତିରେ ବ୍ୟବହାର କରାଯାଇଥିବା କାରକୁ ମଧ୍ୟ ପୋଲିସ ଜବତ କରିଛି ।
ତେବେ ଏହି ଅପରାଧି ମାନେ ମାହାଙ୍ଗା ଥାନା ଓ ଆଖପାଖ ଥାନା ଅଞ୍ଚଳ ମାନଙ୍କରେ ଡକାୟତି, ରାହାଜାନୀ ଓ ଲୁଟ ଘଟଣାରେ ସମ୍ପୃକ୍ତି ଥିବାର ସୂଚନା ଦେଇଛନ୍ତି ମାହାଙ୍ଗା ଥାନା ଆଇଆଇସି ରଞ୍ଜନ ପ୍ରଧାନ।
କଟକରୁ ନାରାୟଣ ସାହୁ, ଇଟିଭି ଭାରତ
