କଟକ: କଟକ ଜିଲ୍ଲାରେ ପୁଣି ଦେଖା ଦେଇଛି କୁମ୍ଭୀର ଆତଙ୍କ । ନରସିଂହପୁର ବ୍ଲକ ଅନ୍ତର୍ଗତ ଡିମିରିଆ ମହାନଦୀ ଘାଟରେ ସ୍ଥାନୀୟ ଲୋକ ଦୁଇଟି କୁମ୍ଭୀର ଦେଖିବାକୁ ପାଇଛନ୍ତି । ଏହାକୁ ନେଇ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ସାତକୋଶିଆ ଗଣ୍ଡରୁ ଦୁଇଟି କୁମ୍ଭୀର ଏଠାକୁ ପଳାଇ ଆସିଥିବା ଅନୁମାନ କରାଯାଇଛି ।
ଡିମିରିଆ ମହାନଦୀ ଘାଟରେ ଦୁଇ କୁମ୍ଭୀର, ଆତଙ୍କିତ ଅବସ୍ଥାରେ ସ୍ଥାନୀୟ ଲୋକ
ଏହାକୁ ନେଇ ସ୍ଥାନୀୟ ବନବିଭାଗକୁ ଖବର ଦେଇଛନ୍ତି ସ୍ଥାନୀୟ ବାସିନ୍ଦା । ଆଖପାଖ ଅଞ୍ଚଳର ଲୋକଙ୍କୁ ବର୍ତ୍ତମାନ ପରିସ୍ଥିତିରେ ମହାନଦୀ ଘାଟକୁ ନଯିବା ପାଇଁ ବନ ବିଭାଗ ପକ୍ଷରୁ ନିବେଦନ କରାଯାଇଛି । ବନ ବିଭାଗ ପକ୍ଷରୁ ଘଟଣାସ୍ଥଳରେ ଏକ ସତର୍କତା ସାଇନେଜ୍ ଲଗାଯାଇଛି । ତେବେ କୁମ୍ଭୀରକୁ ଦେଖିବା ପରେ ସ୍ଥାନୀୟ ଲୋକ ମଧ୍ୟ ଘାଟକୁ ଆସୁନଥିବା ଦେଖାଯାଇଛି । ଖୁବଶୀଘ୍ର ଏହାକୁ ନେଇ ପଦକ୍ଷେପ ନିଆଯିବ ବୋଲି କହିଛନ୍ତି ବନ ବିଭାଗ ଅଧିକାରୀ । ସେତେବେଳ ପର୍ଯ୍ୟନ୍ତ କୌଣସି ବ୍ୟକ୍ତିଙ୍କୁ ଡିମିରିଆ ମହାନଦୀ ଘାଟକୁ ଯିବାକୁ ବାରଣ କରାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
