କଟକ: ଜଗତପୁର ଶିଳ୍ପାଞ୍ଚଳ ଠାରେ କାମ ନମିଳିବାକୁ ନେଇ ଧାରଣା ଦେଇଛନ୍ତି ଶ୍ରମିକ । ଛଅ ମାସ ଧରି ଭୋକ ଉପାସରେ ଥିବା ଏମାନେ ଅଭିଯୋଗ କରିଛନ୍ତି । ଏହାସହ ଜିଲ୍ଲାପାଳଙ୍କ ଅଫିସ ସାମନାରେ ପରିବାରବର୍ଗ ସହ ବସି ରହିଛନ୍ତି ।
6 ମାସ ଧରି ମିଳୁନି କାମ, ଜିଲ୍ଲାପାଳଙ୍କ ଅଫିସ ସାମନାରେ ଧାରଣା
ଜଗତପୁର ଶିଳ୍ପାଞ୍ଚଳଠାରେ ବରୁଣ ବେଭରେଜ ଲିମିଟେଡର 107 ଜଣ ଶ୍ରମିକଙ୍କୁ ଗତ 6 ମାସ ଧରି କାମ ଦିଆଯାଇନଥିବା ଅଭିଯୋଗ ଆସିଛି । ସୋମବାର ଏହି ଶ୍ରମିକ ନିଜ ପରିବାରବର୍ଗଙ୍କ ସହିତ କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ପ୍ରଦର୍ଶନ କରିଛନ୍ତି ।
ଶ୍ରମ ଆଇନର ବିରୁଦ୍ଧାଚରଣ କରି ଶତାଧିକ ଶ୍ରମିକଙ୍କୁ ଭୋକ ଉପାସ ଆଡକୁ ଜବରଦସ୍ତି ଠେଲି ଦିଆଯାଇଥିବା ଅଭିଯୋଗ ଆଣିଛନ୍ତି ଶ୍ରମିକ । ଏହା ବିରୁଦ୍ଧରେ ସ୍ବର ଉତ୍ତୋଳନ କରିବାରୁ ଶ୍ରମିକ ସଂଘର 4 ଜଣ କର୍ମକର୍ତ୍ତାଙ୍କୁ ବିନା ନୋଟିସରେ କମ୍ପାନୀ ବାହାର କରିଦେଇଥିବା ମଧ୍ୟ ଅଭିଯୋଗ ଆସିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
