କଟକ: ଦୀର୍ଘ ଦିନ ଧରି ଦିଲ୍ଲୀ ଏମସ୍ରେ ଚିକିତ୍ସିତ ହେବା ପରେ ଫେରୁଛନ୍ତି ଜଗାବଳିଆ । ରାଜ୍ୟକୁ ଫେରିବା ପରେ ଉଭୟଙ୍କୁ ଶନିବାର କଟକ ଏସସିବି ମେଡିକାଲରେ ଭର୍ତ୍ତି କରାଯିବ । ଜଗାବଳିଆଙ୍କୁ ଉତ୍ତମ ଚିକିତ୍ସା ଯୋଗାଇ ଦେବାକୁ ପ୍ରସ୍ତୁତ କଟକ ଏସସିବି । ଏନେଇ ସୂଚନା ଦେଇଛନ୍ତି ମେଡିକାଲ କର୍ତ୍ତୃପକ୍ଷ ।
ଅନ୍ୟପଟେ ଜଗାବଳିଆଙ୍କ ଚିକିତ୍ସା ପାଇଁ ଏକ ସ୍ବତନ୍ତ୍ର ଡାକ୍ତରୀ ଟିମ ଗଠନ କରାଯାଇଛି । ଉଭୟଙ୍କ ସ୍ବାସ୍ଥ୍ୟବସ୍ଥା ଠିକ୍ ରହିଛି । ଚିକିତ୍ସା କ୍ଷେତ୍ରରେ କୌଣସି ପ୍ରକାର ତ୍ରୃଟି ହେବନି ବୋଲି କହିଛନ୍ତି ସ୍ବାସ୍ଥ୍ୟ ସଚିବ ପ୍ରମୋଦ ମେହରଦା ।
ସୂଚନାଯୋଗ୍ୟ, ଯୋଡାମୁଣ୍ଡ ଜଗାବଳିଆ ଗତ 2017 ଜୁଲାଇ ମାସରେ ଚିକିତ୍ସା ପାଇଁ ଦିଲ୍ଲୀ ଏମ୍ସରେ ଭର୍ତ୍ତି ହୋଇଥିଲେ । ଉଭୟଙ୍କ ଯୋଡ଼ା ମୁଣ୍ଡକୁ ଅଲଗା କରିବା ପାଇଁ ହୋଇଥିଲା ଏକ ଅବିଶ୍ଵସନୀୟ ଅସ୍ତ୍ରୋପଚାର । ଶେଷରେ ଏହି ଅସ୍ତ୍ରୋପଚାର ସଫଳ ମଧ୍ୟ ହୋଇଥିଲା । ତେବେ 2 ବର୍ଷରୁ ଉର୍ଦ୍ଧ୍ବ ସମୟ ଧରି ଏମ୍ସରେ ରହିଲା ପରେ ଓଡିଶା ଫେରୁଛନ୍ତି ଦୁଇ ଭାଇ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
