ସାମାନ୍ୟ ବର୍ଷାରେ ବେହାଲ କଟକ ସହର

ଅଳ୍ପ ବର୍ଷାରେ ଉବୁଟୁବୁ କଟକ ସହର । ମାତ୍ର 20 ମିନିଟ ବର୍ଷାରେ ସହରର ଅନେକ ସ୍ଥାନ ଜଳ ମଗ୍ନ ଅବସ୍ଥାରେ ।

କଟକ: ଅଳ୍ପ ବର୍ଷାରେ ଉବୁଟୁବୁ କଟକ ସହର । ମାତ୍ର 20 ମିନିଟ ବର୍ଷାରେ ସହରର ଅନେକ ସ୍ଥାନ ଜଳ ମଗ୍ନ ଅବସ୍ଥାରେ । ତଳିଆ ଅଞ୍ଚଳ କଥା ତ ନ କହିବା ଭଲ । ସହରର ଅନେକ ସ୍ଥାନରେ ରାସ୍ତା ଉପରେ ଆଣ୍ଠୁଏ ଉଚ୍ଚତାର ପାଣି । ସତେ ଯେପରି ପୋଖରୀର ଭ୍ରମ ସୃଷ୍ଟି କରିଛି ।

ଅନ୍ୟପଟେ ସହରରେ ଏଭଳି ସମସ୍ୟା ପାଇଁ ସାଧାରଣ ଲୋକ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଘର ଆଗରେ ପାଣି ଜମି ରହିବାରୁ ଘରୁ ବାହାରିବା କଷ୍ଟ ହୋଇ ପଡିଛି । ତେବେ ଏହି ସମସ୍ୟାର ସମାଧାନ ପାଇଁ ସ୍ଥାନୀୟ ଲୋକ ସିଧାସଳଖ ସିଏମସିକୁ ଦାୟୀ କରିଛନ୍ତି ।

କଟକରୁ ନରାୟଣ ସାହୁ, ଇଟିଭି ଭାରତ