କଟକ: ଆଞ୍ଚଳିକ ପରିବହନ କାର୍ଯ୍ୟାଳୟରେ ଅଗ୍ନିକାଣ୍ଡ । ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଅଗ୍ନିକାଣ୍ଡ ସେତେଟା ବଡ଼ ହୋଇନଥିଲେ ସୁଦ୍ଧା ଅଗ୍ନିକାଣ୍ଡକୁ ନେଇ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଛି । ଏଥିରେ କୌଣସି ଲୋକେ ଆହତ ହୋଇନଥିବା ସୂଚନା ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନା ଅନୁଯାୟୀ ଆଞ୍ଚଳିକ ପରିବହନ କାର୍ଯ୍ୟାଳୟରୁ ସଂଯୋଗ ହୋଇଥିବା ବିଦ୍ୟୁତ ମୁଖ୍ୟ ଲାଇନରେ ପ୍ରଥମେ ସ୍ପାର୍କିଂ ହୋଇ ବିଦ୍ୟୁତ କଣ୍ଟ୍ରୋଲ ରୁମକୁ ବ୍ୟାପିଥିଲା । ସେଠାରେ ତାର ଗୁଡିକରେ ନିଆଁ ଲାଗିଯାଇଥିଲା ଯାହା ଫଳରେ ଧୂଆଁ ସମଗ୍ର ମହଲାରେ ଖେଳିଯାଇଥିଲା । ନିଆଁ ଲାଗିବା ଯୋଗୁଁ ଅଫିସ ମଧ୍ୟରେ ଥିବା ସମସ୍ତ କର୍ମଚାରୀ ଦୌଡା ଦୌଡ଼ି କରିଥିଲେ । ସଙ୍ଗେସଙ୍ଗେ ବିଦ୍ୟୁତ ବିଭାଗର କର୍ମଚାରୀ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
