କଟକରୁ 8 ଲକ୍ଷ ମୂଲ୍ୟର ଗଞ୍ଜେଇ ଜବତ, କନ୍ଧମାଳରୁ ଯାଉଥିଲା ଭଦ୍ରକ

ମଧୁପାଟଣା ଅଞ୍ଚଳରେ ପେଟ୍ରୋଲିଂ ସମୟରେ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ 76 କେଜି ଗଞ୍ଜେଇ ଜବତ କରିବା ସହ 2 ଅଭିଯୁକ୍ତଙ୍କୁ ଗିରଫ କରିଛି । ଏହି ଗଞ୍ଜେଇ କନ୍ଧମାଳରୁ ଭଦ୍ରକୁ ନିଆଯାଉଥିଲା ।

କଟକ: କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ହାତରେ ଲାଗିଛି 76 କେଜି ଗଞ୍ଜେଇ । ମଧୁପାଟଣା ଅଞ୍ଚଳରେ ପେଟ୍ରୋଲିଂ ସମୟରେ ଏକ କାର ଉପରେ ଚଢାଉ କରିଥିଲା ବିଭାଗ । ଯାହାର ଆନୁମାନିକ ମୂଲ୍ୟ 8 ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି ।

ଜବତ ସମୟରେ 2 ଅଭିଯୁକ୍ତଙ୍କୁ ଗିରଫ କରିଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ କଟକ । ଏହି ଗଞ୍ଜେଇ କନ୍ଧମାଳରୁ ଭଦ୍ରକ ଯାଉଥିବା ସୂଚନା ଦେଇଛନ୍ତି ବିଭାଗୀୟ ଅଧିକାରୀ ଜଗଦୀଶ ଚନ୍ଦ୍ର ସାମଲ ।

କଟକରୁ ପ୍ରଭୁ କଲ୍ୟାଣ ପାଲ୍‌, ଇଟିଭି ଭାରତ