କଟକ: ଚଳିତ ମାଟ୍ରିକ ପରୀକ୍ଷାରେ ଥମୁନି ପ୍ରଶ୍ନପତ୍ର ପ୍ରଘଟ। ସାହିତ୍ୟ ପରେ ଏବେ ଇଂରାଜୀ ପ୍ରଶ୍ନପତ୍ର ପ୍ରଘଟ ହୋଇଥିବା ଜଣାପଡ଼ିଛି। ଏହି ପ୍ରଶ୍ନପତ୍ର ବଲାଙ୍ଗୀର ଅଞ୍ଚଳରୁ ଭାଇରାଲ ହୋଇଥିବା ସୂଚନା ମିଳିଛି।
ସୂଚନା ଯୋଗ୍ୟ ଇଂରାଜୀର ଏ ଓ ବି ଦୁଇଟି ସେଟ ପ୍ରଶ୍ନପତ୍ର ପ୍ରଘଟ ହୋଇଥିବା ସୂଚନା ମିଳିଛି। ଏନେଇ ବୋର୍ଡ କର୍ତ୍ତୃପକ୍ଷଙ୍କୁ ପଚରା ଯିବାରୁ ପ୍ରତିକତ୍ରିୟା ଦେଇ କହିଛନ୍ତି ଯେ ପରୀକ୍ଷା ସରିଲା ପରେ ଏହାର ଯାଞ୍ଚ କରାଯିବ। ଏ ଘଟଣାର ସତ୍ୟାସତ୍ୟ ମିଳିଲେ ତଦନ୍ତ କରାଯାଇ ଦୋଷୀଙ୍କ ବିରୋଧରେ କାର୍ଯ୍ୟନୁଷ୍ଠାନ ନିଆଯିବ ।
ସୂଚନାଯୋଗ୍ୟ ପରୀକ୍ଷାର ପ୍ରଥମ ଦିନରେ ମଧ୍ୟ ପ୍ରଶ୍ନପତ୍ର ପ୍ରଘଟ ହୋଇଥିଲା। ଭାଇରାଲ ଘଟଣାରେ ପାଖାପାଖି 11ଜଣଙ୍କୁ ଗିରଫ କରାଯାଇଛି। ତେବେ ସବୁଠାରୁ ବଡ଼ ପ୍ରଶ୍ନ ଏଠାରେ ଯେ ବୋର୍ଡ ପକ୍ଷରୁ ଚାରି ଥାକିଆ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ମାତ୍ର ଦୁଇ ଦୁଇ ଥର ପ୍ରଶ୍ନ ପତ୍ର ପ୍ରଘଟ ହେବା ବୋର୍ଡ ଏବଂ ସରକାରଙ୍କ କାର୍ଯ୍ୟକାରିତା ଉପରେ ସନ୍ଦେହ ସୃଷ୍ଟି ହୋଇଛି।
କଟକରୁ ନାରାୟଣ ସାହୁ, ଇଟିଭି ଭାରତ
