କଟକ: ବାତ୍ୟା, ବନ୍ୟା ଭଳି ଦୈବୀ ଦୂର୍ବିପାକରୁ ରକ୍ଷା କରିବା ନେଇ ଜିଲ୍ଲା ଜରୁରୀକୀଳାନ ବିଭାଗର ମକଡ଼୍ରିଲ । ବିଭିନ୍ନ ବିଭାଗର ସହାୟତାରେ ଆୟୋଜିତ ହୋଇଯାଇଛି ସମରାଭ୍ୟାସ କାର୍ଯ୍ୟକ୍ରମ ।
ପ୍ରଶାସନ ପକ୍ଷରୁ ପ୍ରଥମେ ବାତ୍ୟା ଆସୁଥିବା ନେଇ ଖବର ଡ଼ାକବାଜି ଯନ୍ତ୍ର ସାହାଯ୍ୟରେ ପ୍ରଚାର କରାଯାଇଥିଲା । ପରେ ଆମ୍ବୁଲାନ୍ସ ଯୋଗେ ଅସୁରକ୍ଷିତ ସ୍ଥାନରୁ କିଛି ଲୋକଙ୍କୁ ଉଦ୍ଧାର କରାଯାଇ ଏକ ଅସ୍ଥାୟୀ ମେଡ଼ିକାଲ କୁ ଅଣାଯାଇଥିଲା । ସେଠାରେ ଚିକିତ୍ସା କରାଯାଇ ସେମାନଙ୍କୁ ପୁନର୍ବାର ସୁରକ୍ଷିତ ସ୍ଥାନକୁ ନିଆଯାଇଥିଲା । ସେହିପରି ଅଗ୍ନିକାଣ୍ଡ ଘଟିଥିବା କୋଠାରୁ କିପରି ଲୋକମାନଙ୍କୁ ଉଦ୍ଧାର କରାଯାଇ ପାରିବ ସେନେଇ ଏକ ଅଭ୍ୟାସ କରାଯାଇଥିଲା । ଉକ୍ତ କୋଠାରେ ଫସିରହିଥିବା ଲୋକମାନଙ୍କୁ ଦଉଡି଼ ସାହାର୍ଯ୍ୟରେ ସେଠାରୁ ଉଦ୍ଧାର କରାଯାଇଥିଲା ।
ଏହି କାର୍ଯ୍ୟକ୍ରମ ଦ୍ବାରା ବିଭିନ୍ନ ବିଭାଗ ମାନଙ୍କ ମଧ୍ୟରେ ସମନ୍ବୟ ରଖି କିଭଳି ଲୋକମାନଙ୍କୁ ସାହାଯ୍ୟ କରାଯାଇ ପାରିବ ତାହାହିଁ ମକଡ୍ରିଲର ମୂଳ ଉଦ୍ଦେଶ୍ୟ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଅନ୍ୟପକ୍ଷରେ ଏହି କାର୍ଯ୍ୟକ୍ରମ ଜରିଆରେ ଅଗ୍ନିଶମ ବିଭାଗ ନିଜର ସମସ୍ତ ସରଞ୍ଜାମ ସଠିକ ବ୍ୟବହାର କରିବା ଉପରେ ଗୁରୁତ୍ବ ଦେଉଥିବା ଜିଲ୍ଲା ଜରୁରୀକାଳୀନ ଅଧିକାରୀ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
