କଟକ: ସଦର ପୋଲିସ ପଞ୍ଝାରେ ଲୁଟେରା ଗ୍ୟାଙ୍ଗ । ଉଭୟ ମାଷ୍ଟର ମାଇଣ୍ଡ ଲିପୁନ ଓ ଲିଙ୍ଗୁକୁ ଚୋରି ମାମଲାରେ ଗିରଫ କରିଛି ପୋଲିସ । ଉଭୟଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି ।
ସୂଚନା ଅନୁସାରେ ସଦର ଅଞ୍ଚଳରେ ରହୁଥିବା ବିରଞ୍ଚି ସାମଲଙ୍କ ଘରୁ କଳା କନା ବୁଲାଇଥିଲେ ଏହି ଦୁଇ ଲୁଟେରା । ଚୋରିର ପ୍ରଣାଳୀ ଏପରି ଥିଲା ଯେ କେହି ତାର ଟେର ପାଇନଥିଲେ । ଆଖି ପିଛୁଳାକେ ଘରୁ ନଗଦ ଟଙ୍କା, ଲ୍ୟାପଟପ ଆଦି ଚୋରି କରିଥିଲେ ଉଭୟେ । ତେବେ ଚୋରି କରିବା ପରେ ଭୁବନେଶ୍ବର ଖସି ପଳାଇବାରେ ସଫଳ ହୋଇଥିଲେ ଲିପୁନ ଓ ଲିଙ୍ଗୁ ।
ଏନେଇ ସ୍ଥାନୀୟ ଥାନାରେ ମାମଲା ରୁଜୁ ହେଲା ପରେ ପୋଲିସ ଆରମ୍ଭ କରିଥିଲା ତଦନ୍ତ । ସମସ୍ତ ଛାନଭିନ ପରେ ଉଭୟଙ୍କୁ ଭୁବନେଶ୍ବରର ଶାନ୍ତିପଲି ବସ୍ତି ଅଞ୍ଚଳରୁ ଗିରଫ କରିଥିଲା ପୋଲିସ । ତେବେ ଗିରଫ ସମୟରେ ଚୋରି ସାମଗ୍ରୀ ଜବତ କରିବା ସହ ଉଭୟଙ୍କୁ କୋର୍ଟ ଚାଲାଣ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
