କଟକ: କଟକରେ ନକଲି ଔଷଧ କରାବାର ମାମଲାରେ ଗିରଫ ହୋଇଥିବା କଟକର ଦୁଇ ବ୍ୟବସାୟୀଙ୍କୁ ମିଳିଲା ଜାମିନ । ଦୁଇ ବ୍ୟବସାୟୀ ସଞ୍ଜୟ ଜାଲାଣ ଓ ରାହୁଲ କ୍ୟାଲଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି ହାଇକୋର୍ଟ । ତଦନ୍ତରେ ପୋଲିସକୁ ସହଯୋଗ କରିବା ଓ କଟକ ଛାଡି ଯିବା ପୂର୍ବରୁ ତଦନ୍ତକାରୀ ଅଧିକାରୀଙ୍କ ଅନୁମତି ନେବା ପାଇଁ ଅନେକ ସର୍ତ୍ତ ରଖିଛନ୍ତି କୋର୍ଟ ।
ନକଲି ଔଷଧ କାରବାର ପଛରେ ଥିବା କଟକର ଦୁଇଟି ଷ୍ଟକିଷ୍ଟ ଭି.ଆର ଡ୍ରଗ ଏଜେନ୍ସି ଓ ପୂଜା ଏଣ୍ଟରପ୍ରାଇସ ବିରୋଧରେ ପୁରୀଘାଟ ପୋଲିସ ମାମଲା ରୁଜୁ କରିଥିଲା । ଡ୍ରଗ କଣ୍ଟ୍ରୋଲ ବିଭାଗ ପକ୍ଷରୁ ଦିଆଯାଇଥିବା ଏତାଲାକୁ ଆଧାର କରି କଟକ ପୁରୀଘାଟ ଥାନା ପୋଲିସ ଭି.ଆର ଡ୍ରଗ ଏଜେନ୍ସିର ମାଲିକ ବର୍ଷାରାଣୀ କ୍ୟାଲ ଓ ତାଙ୍କ ପୁଅ ରାହୁଲ କ୍ୟାଲ ଏବଂ ପୂଜା ଏଣ୍ଟରପ୍ରାଇସର ମାଲିକ ସଞ୍ଜୟ ଜଲାନ ଓ ତାଙ୍କ ପତ୍ନୀ ଚଞ୍ଚଲ ଜଲାନଙ୍କ ବିରୋଧରେ ଠକେଇ ଓ ଅପମିଶ୍ରଣ ଅଭିଯୋଗରେ ମାମଲା ରୁଜୁ କରିଥିଲା ପୋଲିସ ।
ଏହି ମାମଲାରେ ତିନିଟି ପର୍ଯ୍ୟାୟରେ ଏପର୍ଯ୍ୟନ୍ତ 6 ଜଣ ଅଭିଯୁକ୍ତଙ୍କୁ ଗରିଫ କରିଥିଲା ପୋଲିସ ।
ଇଟିଭି ଭାରତ, କଟକ
