କଟକ: ଉଦଯାପିତ ହେଲା ପ୍ରସିଦ୍ଧ ସାତସାହି ନୃତ୍ୟ ଉତ୍ସବ । ଉପର ବାଲିଯାତ୍ରା ପଡ଼ିଆରେ ଅନୁଷ୍ଠିତ ହେଉଥିବା ୧୩ ତମ ସାତସାହି କଟକ ନୃତ୍ୟ ଉତ୍ସବ ଗତକାଲି(ରବିବାର) ଉଦଯାପିତ ହୋଇଯାଇଛି । ଡିସେମ୍ବର ୧୦ତାରିଖରୁ ଏହି ଉତ୍ସବ ଆରମ୍ଭ ହୋଇଥିବା ବେଳେ ୯ ଦିନ ଧରି ଝୁମିଥିଲେ କଟକବାସୀ । ରବିବାର ଏହି ସାତସାହି ନୃତ୍ୟ ଉଦଯାପିତ ହୋଇଯାଇଛି । ଏହି ଉତ୍ସବରେ ଓଡିଶୀ, ଶାସ୍ତ୍ରୀୟ ନୃତ୍ୟ, କଥକ, ଭାରତ ନାଟ୍ୟମ, ମଣିପୁରୀ , କୁଚିପୁଡି, ଗୋଟିପୁଅ ନାଚ, ସମ୍ବଲପୁରୀ, ବିହୁ, ଛଉ ଭଳି ଅନେକ ନୃତ୍ୟ ପରିବେଷଣରେ ୯ ଧରି ଦୁଲୁକି ଥିଲା କଟକ ଉପର ବାଲିଯାତ୍ରା ପଡିଆ।
ଏହା ମଧ୍ୟ ପଢନ୍ତୁ: ଚର୍ଚ୍ଚାରେ ୟୁଟ୍ୟୁବର ଗ୍ରାଣ୍ଡମାଆ, ଫଲୋ କରୁଛନ୍ତି ୩୦ ଲକ୍ଷ ୟୁଜର୍ସ
ଉତ୍ସବରେ ପ୍ରତିଦିନ ବହୁ ମାନ୍ୟଗଣ୍ୟ ବ୍ୟକ୍ତିମାନେ ଅତିଥି ଭାବେ ଯୋଗ ଦେଇଥିଲେ । କଟକର ପରମ୍ପରା, କଳା, ଭାସ୍କର୍ଯ୍ୟ ସହ ବାଣିଜ୍ୟିକ ବୃଦ୍ଧି ଓ ଭାଇଚାରା ସମଗ୍ର ଓଡ଼ିଶାରେ ସ୍ୱତନ୍ତ୍ର । ଏହି ଉତ୍ସବ ଯୁବଗୋଷ୍ଠୀଙ୍କୁ ପ୍ରେରଣା ଯୋଗାଇବା ସହ କଟକର ଭାଇଚାରା ଓ ସଂସ୍କୃତିକୁ ଏକ ନୂତନ ଦିଗଦର୍ଶନ ଦେଖାଇବ ବୋଲି ଉତ୍ସବରେ ଯୋଗଦେଇଥିବା ଅତିଥିମାନେ କହିଥିଲେ । । ତେବେ ଏହି ଉତ୍ସବ ପ୍ରଥମରୁ ୮ଟି ଷ୍ଟଲରୁ ଆରମ୍ଭ ହୋଇ ଆଜି ୧୩ତମ ଉତ୍ସବରେ ୧୦୦ଟି ଷ୍ଟଲରେ ପହଞ୍ଚି ପାରିଛି । ରାଜ୍ୟ ତଥା ରାଜ୍ୟ ବାହାରୁ ୬୫ ରୁ ଉର୍ଦ୍ଧ୍ବ ନୃତ୍ୟ ଦଳ ଏହି ଉତ୍ସବରେ ଝଲକ ଦେଖାଇଥିଲେ ।
ଏହା ସହ ଏହି ଉତ୍ସବର ସନ୍ଧ୍ୟାରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ଓ ସମାଜ ପାଇଁ ଅତୁଳନୀୟ ଅବଦାନ ଥିବା ବହୁ ବ୍ୟକ୍ତି ବିଶେଷଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ଥାଲେସେମିଆ, କ୍ୟାନ୍ସର, ଡାଇବେଟିସର ପୀଡିତ ଶିଶୁମାନଙ୍କୁ ଏହି ଉତ୍ସବ ମାଧ୍ୟମରେ ସହଯୋଗର ହାତ ବଢ଼ାଇବା ମଧ୍ୟ ପାଇଁ ପ୍ରୟାସ କରାଯାଇଛି । ବିଭିନ୍ନ ଫାଷ୍ଟ ଫୁଡ଼ ଆଇଟମ ସହ ଭିନ୍ନ ଭିନ୍ନ ପ୍ରକାରର ସୁସ୍ଵାଦ୍ୟ ଖାଦ୍ୟପେୟ ଲୋକ ଖାଇବା ସହ ସାଂସ୍କୃତିକ କାର୍ଯ୍ୟକ୍ରମର ବି ସାତ ସାହି କଟକ ନୃତ୍ୟ ଉତ୍ସବରେ ମଜା ନେଇଥିଲେ।
ଇଟିଭି ଭାରତ, କଟକ
