କଟକ: ପୋଖରୀରେ ପହଁରିବା ହେଲା କାଳ । ନିଖୋଜ ହୋଇଗଲା ବାଳକ । ଅଘଟଣ ଘଟିଛି ଚୌଦାର ଅଞ୍ଚଳର କୋଟସାହି ପଞ୍ଚୟତରେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ପରିବେଶ ସୃଷ୍ଟି ହୋଇଛି ।
ପୋଖରୀରେ ପହଁରିବା ବେଳେ ବାଳକ ନିଖୋଜ
ସୂଚନା ଅନୁସାରେ ଉକ୍ତ ଅଞ୍ଚଳର ଭାଗ୍ୟଧର ବିଶ୍ବାଳଙ୍କ ପୁଅ ଲୁଲୁ ଘର ନିକଟରେ ଥିବା ପୋଖରୀକୁ ପହଁରା ଶିଖିବା ପାଇଁ ଯାଇଥିଲେ । ହେଲେ କୌଣସି କାରଣବଶଃତ ତାଙ୍କୁ ଆଉ ପୋଖରୀରେ ଦେଖିବାକୁ ମିଳିନଥିଲା । ଲୁଲୁଙ୍କୁ ସେଠାରେ ନପାଇ ତୁରନ୍ତ ସ୍ଥାନୀୟ ଲୋକେ ଦମକଳ ବାହିନୀକୁ ଖବର ଦେଇଥିଲେ । ଖବସ ପାଇ ଦମକଳ ଟିମ ଘଟଣାସ୍ଥଳେ ପହଞ୍ଚି ଖୋଜାଖୋଜି ଆରମ୍ଭ କରିଛି । ତେବେ ବର୍ତ୍ତମାନ ପର୍ଯ୍ୟନ୍ତ ନିଖୋଜ ବାଳକର ପତ୍ତା ମିଳିପାରିନାହିଁ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
