କଟକ: 2 ଦିନ ପରେ ଆରମ୍ଭ ହେବ ଐତିହାସିକ କଟକ ବାଲିଯାତ୍ରା । ଏଥିପାଇଁ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି । ପ୍ରତିକୂଳ ପାଗ ସତ୍ତ୍ବେ ବାଲିଯାତ୍ରା ପାଇଁ ପ୍ରସ୍ତୁତ କାର୍ଯ୍ୟ ଜାରି ରହିଛି ।
ଭିିଡିଓ ସୌଜନ୍ୟ: ସମ୍ବାଦଦାତା, କଟକ
ଚଳିତ ବର୍ଷ ପ୍ରଥମ ଥର ପାଇଁ ବାଲିଯାତ୍ରାରେ ଜଳାଶୟ ପ୍ରସ୍ତୁତ କରାଯାଇଛି । 2ଟି ପୋଖରୀରେ ଲାଣ୍ଡସ୍କେପିଂ କରାଯିବା ସହ ପ୍ରାକୃତିକ ଘାସକୁ ପୋଖରୀର ବନ୍ଧରେ ଲଗାଯାଇଛି । ଏଥିସହିତ ପୋଖରୀକୁ ଆକର୍ଷଣୀୟ କରିବାକୁ ବନ୍ଧ ଉପରେ ନଡିଆ ଗଛ ଲଗାଯାଇଛି । ତେବେ ଏଥର ବାଲିଯାତ୍ରା ଦେଖିବାକୁ ଆସୁଥିବା ଦର୍ଶକ ଏହି ପୋଖରୀରେ ବୋଟିଂର ମଜା ନେଇପାରିବେ ବୋଲି କହିଛନ୍ତି କଟକ ଜିଲ୍ଲାପାଳ ।
କଟକରୁ ନାରାୟଣ ସାହୁ, ଇଟିଭି ଭାରତ
