କଟକ: ସୂର୍ଯ୍ୟ ପରାଗ ଯୋଗୁଁ ଖରାପ ପାଗ ଓ ଆଲୋକ ରଣଜୀ ମ୍ୟାଚରେ ସାଜିଲା ବାଧକ । ଓଡିଶା ଡ୍ରିମ୍ସ ଗ୍ରାଉଣ୍ଡରେ ଖେଳାଯାଉଥିବା ଉତ୍ତରାଖଣ୍ଡ ବିପକ୍ଷ ମ୍ୟାଚରେ ବଡ ସ୍କୋରରୁ ବଞ୍ଚିତ ହୋଇଛି ଓଡିଶା ।
ଦ୍ବିତୀୟ ଦିନରେ ଖରାପ ପାଗ ଓ ଆଲୋକ ଯୋଗୁଁ ମାତ୍ର 16.2 ଓଭର ଖେଳିପାରିଥିଲା ଓଡିଶା । ଯେଉଁଥିରେ 3 ୱିକେଟ ହରାଇ ସଂଗ୍ରହ କରିଥିଲା 47 ରନ । ତେବେ ସମୁଦାୟ ଓଡିଶା ଦ୍ବିତୀୟ ଦିନ ଖେଳ ଶେଷ ସୁଦ୍ଧା 6 ୱିକେଟ ହରାଇ ସଂଗ୍ରହ କରିଛି 145 ରନ । ବିପକ୍ଷ ଦଳ ଠାରୁ 28ରନ ଆଗରେ ରହିଛି ।
ପ୍ରଥମ ଦିନରେ ଭ୍ରମଣକାରୀ ଉତ୍ତରାଖଣ୍ଡକୁ 117 ରନରେ ଅଟକାଇଲା ପରେ 3 ୱିକେଟ ହରାଇ 98 ରନ ସଂଗ୍ରହ କରିଥିଲା ଦଳ । କିନ୍ତୁ ଗୁରୁବାର ଖେଳ ଆରମ୍ଭରୁ ହିଁ ପାଗ ଅନୁକୂଳ ହୋଇନଥିଲା । ଯାହା ପାଇଁ ଦ୍ବିତୀୟ ଦିନ ଖେଳ ବାଧାପ୍ରାପ୍ତ ହୋଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
