କଟକ: କୋରୋନା ଯୋଦ୍ଧାଙ୍କୁ ମିଳୁନାହିଁ ସହାୟତା । ଆଚାର୍ଯ୍ୟ ହରିହର କର୍କଟ ରୋଗ ପ୍ରତିଷ୍ଠାନରେ ଷ୍ଟାଫ ନର୍ସ କୋରୋନା ପଜିଟିଭ ଚିହ୍ନଟ ପରେ ଚିନ୍ତାରେ ଷ୍ଟାଫ ନର୍ସ । ଯେଉଁ ନର୍ସ ମାନେ ହସ୍ପିଟାଲରେ ସେବା ଯୋଗାଉଛନ୍ତି, ସେମାନେ ଏବେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି ।
କଟକ ଆଚାର୍ଯ୍ୟ ହରିହର କର୍କଟ ରୋଗ ପ୍ରତିଷ୍ଠାନ କେନ୍ଦ୍ରରେ ଯେଉଁ ନର୍ସ ମାନେ କାର୍ଯ୍ୟ କରୁଛନ୍ତି । ଯେଉଁ ନର୍ସମାନେ ନିଜ ଭଡା ଘରକୁ ଯାଉଛନ୍ତି ସେମାନଙ୍କୁ ଘର ମାଲିକ ମାନେ ପୁରାଇ ଦେଉନାହାନ୍ତି । ସେହିପରି ଯେଉଁମାନେ ନିଜ ଘରୁ ଆସୁଛନ୍ତି ସେମାନେ ବି ନିଜ ଘରକୁ ଯିବାକୁ ସାହସ କରୁନାହାନ୍ତି । କୋରୋନା ପରୀକ୍ଷା ନ କରି ଘରକୁ ଯିବା ସମ୍ଭବପର ନୁହେଁ ବୋଲି ନର୍ସ ମାନେ କହିଛନ୍ତି । ତେବେ ୧୪ ଦିନ ପାଇଁ କାର୍ଯ୍ୟରତ ନର୍ସ ମାନଙ୍କୁ କ୍ବାରେଣ୍ଟାଇନ ରଖିବାକୁ ସେମାନେ ଦାବି କରିଛନ୍ତି ।
ସୂଚନାଥାଉଖି କିଛି ଦିନ ପୂର୍ବରୁ ଷ୍ଟାଫ ନର୍ସମାନେ ଘର କିମ୍ବା କ୍ବାଟର୍ସ ଦେବାକୁ ନିର୍ଦ୍ଦେଶକକୁ ଅନୁରୋଧ କରିଥିଲେ ମଧ୍ୟ ସେମାନଙ୍କ କଥାକୁ ନିର୍ଦ୍ଦେଶକ କର୍ଣ୍ଣପାତ କରିନଥିବା ନର୍ସ ମାନେ ଅଭିଯୋଗ କରିଛନ୍ତି । ସ୍ଥିତି ଏ ଭଳି ହୋଇଛି ଯେ ଡ୍ୟୁଟି ସାରି ହସ୍ପିଟାଲରେ ବିଶ୍ରାମ କରୁଛନ୍ତି ନର୍ସ ।
କଟକରୁ ନାରାୟଣ ସାହୁ,ଇଟିଭି ଭାରତ
