କଟକ: ଆଠଗଡ ଓ ତିଗିରିଆ ଥାନା ଅଞ୍ଚଳରେ ତିନୋଟି ସ୍ଥାନରେ ଦୁର୍ଘଟଣା ଘଟି ତିନିଜଣ ମୃତ୍ୟୁ ଘଟିଛି । ଜଣେ ଗୁରୁତର ଆହତ ହୋଇଥିବା ଜଣାପଡିଛି ।
ଆଠଗଡ-ମୁଣ୍ଡଳୀ ରାସ୍ତାର ବେତଖୋଲି ଛକ ନିକଟରେ ବୋଲେରୋ ସହିତ ସ୍କୁଟିର ମୁହାଁମୁହିଁ ଧକ୍କା ହୋଇଛି । ଫଳରେ ଜଣଙ୍କର ମୃତ ଘଟିବା ସହ ଜଣେ ଗୁରୁତର ଆହତ । ସେମାନଙ୍କ ଘର କଟକ ବିଡାନାସୀ ଅଞ୍ଚଳର ହୋଇଥିବାବେଳେ ମୃତକଙ୍କ ନାମ ସୋମ୍ୟା ଦାସ ଓ ଆହତଙ୍କ ନାମ ଅମିଷା ସାହୁ୍ ବୋଲି ସୂଚନା ମିଳିଛି । ତେବେ ସୋମ୍ୟା ଓ ତାଙ୍କ ବନ୍ଧୁ କଟକରୁ ସ୍କୁଟିରେ ମାମୁଁ ଘର ବେଣ୍ଟପଦା ଆସୁଥିବାବେଳେ ଦୁର୍ଘଟଣା ଘଟିଛି ।
ସେହିପରି ଧୂରୁଷିଆ ପଞ୍ଚାୟତ ବାଲିସିକିରି ଗ୍ରାମ ଛକ ନିକଟରେ ଟ୍ରକ, ସ୍କୁଟି ଚାଳକଙ୍କ ଉପରେ ଚଢିଯିବାରୁ ଚାଳକଙ୍କ ମୃତୁ ଘଟିଛି । ମୃତକ ଜଣଙ୍କ ଅନନ୍ତପୁର ଗ୍ରାମର ସନ୍ତୋଷ କୁମାର ସାହୁ । ସେପଟେ ତିଗିରିଆ ଥାନା ଶୁଣ୍ଠିପାଳ ଗ୍ରାମରେ ଏକ ଦୁର୍ଘଟଣା ଘଟିଛି । ପୋଖରୀରେ ଗାଧୋଉଥିବା ସମୟରେ ଗୋଡ ଖସି ଜଣେ ନାବାଳକର ମୃତ୍ୟୁ ଘଟିଛି । ମୃତକ ରାଜା ପଣ୍ଡା ହୋଇଥିବାବେଳେ ତା ବୟସ 11 ବର୍ଷ ବୋଲି ଜଣାପଡିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
