ଭୁବନେଶ୍ବର: ସାମୁଦ୍ରିକ ଝଡ ଫନି ମୁକାବିକା ପାଇଁ ଅଣ୍ଟା ଭିଡିଛି ଓଡିଶା ପ୍ରଦେଶ କଂଗ୍ରେସ କମିଟି । ଏଥିଲାଗି କମିଟି ସଭାପତି ନିରଞ୍ଜନ ପଟ୍ଟନାୟକ ଏକ 3 ଜଣିଆ କମିଟି ଗଠନ କରିଛନ୍ତି । ଆସନ୍ତା 2 ତାରିଖ ପୂର୍ବାହ୍ନ 11ଟାରୁ 11 ତାରିଖ ପର୍ଯ୍ୟନ୍ତ ଭୁବନେଶ୍ବର ସ୍ଥିତ କଂଗ୍ରେସ ଭବନରେ 24 ଘଣ୍ଟିଆ କଂଣ୍ଟ୍ରୋଲ ରୁମ ଖୋଲାଯିବ ।
ଡରାଇ ରଖିଥିବା ଫୋନି ସ୍ଥଳଭାଗ ଛୁଇଁବା ପୂର୍ବରୁ ରାଜ୍ୟ ଓ ଏହା ବାହାରେ ଥିବା ଜନସାଧାରଣଙ୍କୁ ସଚେତନ କରିବ ଏହି କମିଟି । ଏଥିସହ ପ୍ରଭାବିତ ଅଞ୍ଚଳର କ୍ଷୟକ୍ଷତି , ପୁନରୁଦ୍ଧାର, ଥଇଥାନ, ସହାୟତା ଆଦି ପାଇଁ ଦିନରାତି 24 ପ୍ରହର କମିଟି ସଦସ୍ୟ ତତ୍ପର ରହିବେ । ପିସିସି ସଭାପତି ସର୍ବଶ୍ରୀ ଆଇନଜିବୀ ଶିବାନନ୍ଦ ରାୟ, ଯଜ୍ଞେଶ୍ବର ବାବୁ ଓ ଡଃ ଆର୍ଯ୍ୟ କୁମାର ଜ୍ଞାନେନ୍ଦ୍ରଙ୍କ ପ୍ରତ୍ୟକ୍ଷ ତତ୍ବବଧାନରେ 10 ଦିନ ଧରି ଏହାର ପରିଚାଳନା କରାଯିବ ।
ଏହି କଂଟ୍ରୋଲ ରୁମର ସହଯୋଗ ଓ ସଞ୍ଚାଳନ ଦାୟିତ୍ବରେ ସର୍ବଶ୍ରୀ ତରୁଣକାନ୍ତ ମିଶ୍ର, ରବିନ୍ଦର ଆଚାର୍ଯ୍ୟ, ଲିଙ୍ଗରାଜ ସାହୁ, ମାନସ ଆଚାର୍ଯ୍ୟ, ଅଲେଖ ସାମଲ, କୈଳାସ ସାହୁ, ପୁଷ୍କର ନାୟକ, ପ୍ରଦୀପ ମହାପାତ୍ର, ନିହାର ବଳଙ୍କୁ ମନୋନିତ କରାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
