ଭୁବନେଶ୍ବର: ପ୍ରକାଶ ପାଇଲା ଓଜେଇଇ ପରୀକ୍ଷା ଫଳ । ବୁଧବାର ଆଇଟି ମନ୍ତ୍ରୀ ପ୍ରେମାନନ୍ଦ ନାୟକ ଉଭୟ ଅନଲାଇନ୍ ଓ ଅଫ ଲାଇନ ରେଜଲ୍ଟ ପୁସ୍ତିକା ଉନ୍ମୋଚନ କରିଛନ୍ତି । ପରୀକ୍ଷାର୍ଥୀ 'www.ojee.nic.in'କୁ ଯାଇ ରେଜଲ୍ଟ ଦେଖିପାରିବେ।
ଏମବିଏରେ ପ୍ରଦୀପ କୁମାର କାମ୍ପା, ଏମସିଏରେ ସ୍ମିତାରାଣୀ ଚୌଧୁରୀ, ଏମ.ଟେକରେ ପ୍ରଦୀପ ବାରିକ, ଇଣ୍ଟିଗ୍ରେଟେଡ ଏମବିଏରେ ସ୍ୱୀକୃତି ମହାପାତ୍ର , ଏମ.ଫାର୍ମରେ ଅତ୍ୟୁର୍ମିଲା ଚକ୍ରବର୍ତ୍ତୀ, ଏମ.ଫାର୍ମରେ ସମୀର ପାଢ଼ୀ ଟପର ହୋଇଛନ୍ତି ।
ଚଳିତ ବର୍ଷ ଅଫ ଲାଇନରେ 25 ହଜାର 731 ଜଣ ଓ ଅନ ଲାଇନ୍ ରେ 13 ହଜାର 918 ଜଣ ପରୀକ୍ଷା ଦେଇଛନ୍ତି। ତେବେ ଆସନ୍ତାକାଲି(ଗୁରୁବାର) ଠାରୁ ମେଡିକାଲ୍ ଓ ଇଞ୍ଜିନିୟରିଂ ପାଇଁ ପଞ୍ଜିକରଣ ଆରମ୍ଭ ହେଉଛି।
ସୂଚନା ଯୋଗ୍ୟ ଯେ ଏମବିଏ, ଏମସି ଏ , ଏମ୍ ଟେକ୍, ଏମ୍ ମାର୍କ, ଏମ୍ ପ୍ଲାନ୍, ଏମ୍ ଫାର୍ମ ଓ ଲାଟେରାଲ୍ ଏଣ୍ଟ୍ରି ଏମସିଏ ପାଠ୍ୟକ୍ରମରେ ନାମ ଲେଖା ଲାଗି ଗତ ୮ ଓ ୯ ତାରିଖ ରେ ପ୍ରଥମ ଥର ଲାଗି ଅନ ଲାଇନରେ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଥିଲା।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
