ଭୁବନେଶ୍ବର: ପୂର୍ବତନ ପ୍ରଶାସକ ତଥା ପୂର୍ତ୍ତ ସଚିବ ନଳିନୀକାନ୍ତ ପ୍ରଧାନ ଆଜି ବିଧିବଦ୍ଧ ଭାବେ ରାଜନୈତିକ ଜଗତରେ ପାଦ ଥାପିଛନ୍ତି । ସେ ଶାସକ ଦଳ ବିଜେଡିରେ ଆନୁଷ୍ଠାନିକ ଭାବେ ଯୋଗଦେଇଛନ୍ତି । ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତରେ ସେ ଦଳରେ ମିଶିଛନ୍ତି ।
ପୂର୍ବରୁ ଆଜି ପୂର୍ବାହ୍ନ 11ଟାରେ ସେ ଦଳରେ ମିଶିବା ନେଇ ସୂଚନା ରହିଥିଲା । ଆଗରୁ ନଳିନୀଙ୍କର ବିଜେଡି ପୋଷ୍ଟରରେ ଫଟୋ ଦେଖିବାକୁ ମିଳିଥିଲା । ଯାହାକୁ ନେଇ ତାଙ୍କର ରାଜନୀତିକୁ ଆସିବା ନେଇ ଚର୍ଚ୍ଚା ଜୋର ଧରିଥିଲା । ତେବେ ନିକଟରେ ସେ ପ୍ରଶାସନିକ ପଦରୁ ଇସ୍ତଫା ଦେଇଥିଲେ ।
ଇସ୍ତଫା ଘଟଣା, ତାଙ୍କର ରାଜନୀତିରେ ମିଶିବା ଚର୍ଚ୍ଚାକୁ ଆହୁରି ଖୋରାକ ଯୋଗାଇଥିଲା । ତେବେ ଆଜି ବିଜେଡିରେ ମିଶିବା ପରେ ଏହା ସ୍ପଷ୍ଟ ହୋଇଛି ।
ବ୍ୟୁରୋ ଇନପୁଟ, ଇଟିଭି ଭାରତ
