ଭୁବନେଶ୍ବର: ପଦ୍ମ ପୋଖରୀରେ ନବରଙ୍ଗପୁର ସାଂସଦ ବଳଭଦ୍ର ମାଝୀ । ଦିଲ୍ଲୀ ଯାଇ ସେ ବିଧିବଦ୍ଧ ଭାବରେ ବିଜେପିରେ ସାମିଲ ହୋଇଛନ୍ତି । ଦଳର ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ରାଜ୍ୟ ବିଜେପି ସଭାପତି ବସନ୍ତ ପଣ୍ଡା, ବିଧାୟକ ଦଳ ନେତା କନକବର୍ଦ୍ଧନ ସିଂହଦେଓ, ପ୍ରଭାରୀ ଅରୁଣ ସିଂହ ପ୍ରମୁଖ ଏହି ସମୟରେ ଉପସ୍ଥିତ ରହିଥିଲେ ।
ଦିନକ ତଳେ ବିଜେଡିରୁ ଇସ୍ତଫା ଦେଇଥିଲେ ବଳଭଦ୍ର । ଅଣଦେଖାକୁ କାରଣ ଦର୍ଶାଇ ଦଳ ଛାଡୁଥିବା ସେ ଦର୍ଶାଇଥିଲେ । ଆଉ ଏହା ପରେ ସେ ବିଜେପିରେ ସାମିଲ ହେଉଥିବା ଚର୍ଚ୍ଚା ହେଉଥିଲା । ଆଉ ଏହି ଚର୍ଚ୍ଚାରେ ପୁନଚ୍ଛେଦ ପକାଇଛନ୍ତି ନବରଙ୍ଗପୁର ସାଂସଦ । ପଦ୍ମ ପୋଖରୀକୁ ଡିଆ ମାରିଛନ୍ତି ।
ଭୁବନେଶ୍ବରରୁ ଅଜିତ କୁମାର ଦାଶ, ଇଟିଭି ଭାରତ
