ଭୁବନେଶ୍ବର: ରାଜଧାନୀରେ ଚାଲିଛି ନିଆରା ଢଙ୍ଗରେ ଗଞ୍ଜେଇ କାରବାର । ବାହାଘର ସିଜନ ଆଢୁଆଳରେ ଖଲିବସ୍ତା ଭିତରେ ଭିନ୍ନ ଉପାୟରେ ଚାଲିଛି ଗଞ୍ଜେଇ କାରବାର । ଧରାପଡିଲେ ୩ ଅଭିଯୁକ୍ତ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜଧାନୀର ମଞ୍ଚେଶ୍ବର ଥାନା ଅଞ୍ଚଳର ନୁଆ ରୋଡ ତଥା ପୁରୀ-କଟକ ରୋଡରେ ଧରାପଡିଛନ୍ତି ଏହି ଅଭିଯୁକ୍ତ । ସେମାନେ ହେଲେ ସୁରଜ କୁମାର, ଇସାକ ନାୟକ, ସିୟାନ ନାୟକ । ତିନି ଜଣ ଅଭିଯୁକ୍ତ କନ୍ଧମାଳ ବାଲିଗୁଡା ଅଞ୍ଚଳର ହୋଇଥିବା ଜଣାପଡିଛି ।
ଗୋଟିଏ ବସ୍ତାରେ ଖଲି ପତ୍ର ନେବା ସହ ୨୧କେଜି ୬୦୦ଗ୍ରାମ ଗଞ୍ଜେଇ ଭର୍ତ୍ତି କରି ଅଭିଯୁକ୍ତ କଟକ ଅଭିମୁଖେ ଯାଉଥିଲେ। ତେବେ ପଳାଶୁଣି ଛକ ନିକଟରେ ପୋଲିସ ଅଟକାଇବା ପରେ ଖଲିପତ୍ର କହି ବାହାଘର ପାଇଁ ନେଉଥିବା କହିଥିଲେ । ହେଲେ ଯାଞ୍ଚ ହେବା ପରେ ଧରାପଡିଥିଲେ ବେପାରୀ । ତିନି ଅଭିଯୁକ୍ତଙ୍କ ସହ ଗୋଟିଏ ବାଇକ ଜବତ କରି ତିନିଜଣଙ୍କୁ କୋର୍ଟ ଚାଲାଣ କରିଛି କମିଶନରେଟ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
