ଭୁବନେଶ୍ବର: ବତ୍ୟା ଫନି ପରେ ରାଜ୍ୟରେ ବିଦ୍ୟୁତ ବ୍ୟବସ୍ଥା ସମ୍ପୂର୍ଣ ବିପର୍ଯ୍ୟସ୍ତ ହୋଇ ପଡିଛି । ବିଦ୍ୟୁତ ବ୍ୟବସ୍ଥାକୁ ସୁଧାରିବା ପାଇଁ ରାଜ୍ୟସରକାର ଯୁଦ୍ଧକାଳୀନ ଭିତ୍ତିରେ ପ୍ରୟାସ ଜାରିରଖିଛନ୍ତି ।
ପୁରୀ ସହରକୁ ବାଦ ଦେଇ ବାକି ସବୁ ବାତ୍ୟା ପ୍ରଭାବିତ ଅଞ୍ଚଳରେ ଆସନ୍ତା 12 ତାରିଖ ବିଜୁଳି ଯୋଗାଇ ଦିଆଯିବା ନେଇ ଶକ୍ତି ସଚିବ ହେମନ୍ତ ଶର୍ମା କହିଛନ୍ତି । ପ୍ରାୟ 90 ପ୍ରତିଶତ ଅଞ୍ଚଳକୁ ବିଜୁଳି ସଂଯୋଗ ହେବ ବୋଲି ଶ୍ରୀ ଶର୍ମା କହିଛନ୍ତି ।
ଗତକାଲି ପର୍ଯ୍ୟନ୍ତ ଭୁବନେଶ୍ବରରେ ଯେତିକି ଅଞ୍ଚଳରେ ଯରୁରୀକାଳୀନଭିତ୍ତିରେ ଦିଆଯାଇ ପାରିଲା ତାହା ଅଣ୍ଡରଗ୍ରାଉଣ୍ଡ କେବୁଲିଂ ଯୋଗୁ ସମ୍ଭବ ହୋଇପାରିଥିବା ଶକ୍ତି ସଚିବ ପ୍ରତିକ୍ରିୟା ଦେଇଛନ୍ତି ।
କେରଳ ଓ କର୍ଣ୍ଣାଟକରୁ ଅଧିକ ବିଜୁଳି କର୍ମଚାରୀ ଆସି ପୁରୀ ସହରରେ ବିଜୁଳି ମରାମତି କାର୍ଯ୍ଯରେ ନିୟୋଜିତ ହେବେ ବୋଲି ଶ୍ରୀ ଶର୍ମା ସୂଚନା ଦେଇଛନ୍ତି । ଏଥି ସହିତ ବିଭିନ୍ନ କଲେଜର ଆଇଟିଆଇ ଛାତ୍ରଛାତ୍ରୀଙ୍କୁ ମଧ୍ୟ ବିଜୁଳି ଏଥିରେ ଲଗାଯାଇଛି ବୋଲି ସେ ସୂଚନା ଦେଇଛନ୍ତି।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
