ବୌଦ୍ଧ: ଶହେ କେଭି ବିଦ୍ୟୁତ ଟ୍ରାନ୍ସଫର୍ମରରେ ପିଟିହୋଇ ଓଲଟିଲା ଟ୍ରକ । ଏହି ଦୁର୍ଘଟଣାରୁ ସୌଭାଗ୍ୟବଶତଃ ଟ୍ରକର 2କର୍ମଚାରୀ ଅଳ୍ପକେ ମୃତ୍ୟୁମୁଖରୁ ରକ୍ଷା ପାଇଯାଇଛନ୍ତି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ରଇଠାଣୀ ଗାଁ ନିକଟସ୍ଥ ୫୭ ନଂ ଜାତୀୟ ରାଜପଥରେ ଏହି ଦୁର୍ଘଟଣା ହୋଇଛି ।
ଟ୍ରାନ୍ସଫର୍ମରରେ ପିଟି ହେଲା ଟ୍ରକ
ସୂଚନାଥାଉକି, ୫୭ ନଂ ଜାତୀୟ ରାଜପଥରେ ଶୁକ୍ରବାର ଦିନ ପ୍ରାୟ 3ଟାବେଳେ ଏକ ଟମାଟୋ ବୋଝେଇ ଟ୍ରକର ଆଗଚକ ଫାଟିଯିବାରୁ ରାସ୍ତା କଡରେ ଥିବା ଏକ ଶହେ କେଭି ଟ୍ରାନ୍ସଫର୍ମରରେ ବାଡେଇ ହୋଇ ଓଲଟି ପଡିଥିଲା । ଟ୍ରାନ୍ସଫର୍ମର ନିକଟରେ ଥିବା ଏକ ଘର ସମ୍ପୂର୍ଣ୍ଣ ରୂପେ ଏହି ଦୁର୍ଘଟଣାରୁ ଆକସ୍ମିକ ଭାବରେ ରକ୍ଷା ପାଇ ଯାଇଛି ।
ଦୁର୍ଘଟଣାରେ ଟ୍ରାନ୍ସଫର୍ମରଟି ସମ୍ପୂର୍ଣ୍ଣ ରୂପେ ଟ୍ରକ ତଳେ ଚାପି ହୋଇ ଯାଇଥିବା ବେଳେ ବୌଦ୍ଧ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
