ବୌଦ୍ଧ: କାଳବୈଶାଖୀର ଉଗ୍ର ରୂପ ଅନେକ ଗରିବ ଲୋକଙ୍କୁ ବାସହରା କରିଛି । ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଯାଇଥିବା କେତେକ ପରିବାର ଏବେ ଖୋଲା ଆକାଶ ତଳେ ଖରାରେ ଦିନ କାଟୁଛନ୍ତି । ଦୟନୀୟ ଅବସ୍ଥାରେ ଘୂର୍ଣ୍ଣିଝଡରୁ ବର୍ତ୍ତି ଯାଇଥିବା ପରିବାର ।
ଗତ ଦୁଇ ଦିନ ତଳେ ହୋଇଥିବା କାଳବୈଶାଖୀ ପ୍ରଭାବରେ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ବ୍ୟାପକ କ୍ଷୟକ୍ଷତି ହୋଇଛି । ବୌଦ୍ଧ ଜିଲ୍ଲାର ରକ୍ସା ପଞ୍ଚାୟତର ବାହାଯୋର ଗାଁରେ ପ୍ରକୃତିର ତାଣ୍ଡବଲୀଳା ସମସ୍ତଙ୍କୁ ଆତଙ୍କିତ କରିଥିଲା । ଗାଁର ଗରିବ ଲୋକ ଏଥିରେ ବିଶେଷ ପ୍ରଭାବିତ ହୋଇଛନ୍ତି । କେତେକ ଗରିବ ପରିବାର ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଯାଇଥିବା ସୂଚନା ମିଳିଛି । ପାଞ୍ଚ ପ୍ରାଣୀର ଏକ ପରିବାରକୁ ଘୂର୍ଣ୍ଣିଝଡରେ ଛପର ମାଡି ବସିବାର ଦୀର୍ଘ ସମୟ ପରେ ଗାଁ ଲୋକେ ଉଦ୍ଧାର କରିଥିଲେ । ଏଭଳି ଅନେକ ଗରିବ ଲୋକଙ୍କ ମୁଣ୍ଡ ଉପରେ ଏବେ ଛାଉଣୀ ନାହିଁ ।ଫଳରେ କିଏ ଖୋଲା ଆକାଶ ତଳେ ତ ଆଉ କିଏ ରୋଷେଇ ଘରେ ଦିନ କାଟୁଛନ୍ତି ।ରାଜସ୍ବ ବିଭାଗ ପକ୍ଷରୁ ଏସବୁ ସ୍ଥାନର କ୍ଷୟ କ୍ଷତି ଆକଳନ ଆରମ୍ଭ ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
