ବୌଦ୍ଧ: କେନ୍ଦୁପତ୍ର ଫଡି ଘର ପିଲାର କାନ୍ଥ ପଡି କାର୍ଯ୍ୟରତ ଥିବା ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଶଗଡା ଫାଣ୍ଡି ଅଞ୍ଚଳରେ । ମୃତ ଶ୍ରମିକ ହେଲେ ଶଗଡା ପଞ୍ଚାୟତ ଝୁଗୁଡୁଗାଡିଆ ଗ୍ରାମର ହାଡୁ ଗାଇଗୌରିଆ ।
କେନ୍ଦୁପତ୍ର ଫଡି ଘର ପିଲାର କାନ୍ଥ ପଡି ଶ୍ରମିକ ମୃତ
ଫଡି ଘରର ଦୂରାବସ୍ଥା ସମ୍ପର୍କରେ ପୂର୍ବରୁ ବିଭାଗୀୟ ଅଧିକାରୀଙ୍କୁ ଅବଗତ କରାଯାଇଥିଲେ ମଧ୍ୟ ଏଥିରେ କୌଣସି ସୁଫଳ ମିଳିନଥିଲା । ତେବେ ଏଭଳି ଅଘଟଣ ପାଇଁ ଏବେ କିଏ ଦାୟୀ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ଘଟଣାସ୍ଥଳରେ ଶଗଡା ଫାଣ୍ଡି ଅଧିକାରୀ ପହଞ୍ଚି ମୃତଦେହକୁ ଜବତ କରିବା ସହ ଅଧିକ ତଦନ୍ତ ଆରମ୍ଭ କରିଛନ୍ତି । ତେବେ ଏଭଳି ଅଘଟଣ କିଭଳି ଓ କେଉଁ ପରିସ୍ଥିତିରେ ଘଟିଲା ସେ ନେଇ ସମ୍ପୂର୍ଣ୍ଣ ତଦନ୍ତ କରୁଛି ପୋଲିସ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
