ବୌଦ୍ଧ: ଯାତାୟାତକୁ ନେଇ ଦୁର୍ବିସହ ହୋଇପଡିଛି ଗାଁ ଲୋକଙ୍କ ଜୀବନ । ଗାଁକୁ ଭଲ ରାସ୍ତା ଖଣ୍ଡିଏ ନଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଆଉ ଏଥିପାଇଁ ବାରମ୍ବାର ଗୁହାରି କଲେ ମଧ୍ୟ ପ୍ରଶାସନ ଶୁଣୁନି । ଏପଟେ ଗାଁକୁ ସଂଯୋଗ କରୁଥିବା ପୋଲର ଆପ୍ରୋଚ ରୋଡ ଲଗାଣ ବର୍ଷାରେ ଧୋଇ ଯିବାରୁ ସମସ୍ୟା ଆହୁରି ବଢି ଯାଇଛି । ଏ ଦୃଶ୍ୟ ହେଉଛି ବୌଦ୍ଧର ହରଭଙ୍ଗା ବ୍ଲକ ଅଧିନସ୍ଥ ରାଧାନଗର ପଞ୍ଚାୟତର ବାଲିପୁର ଗାଁର।
ଲଗାଣ ବର୍ଷାରେ ଜଗନ୍ନାଥ ସଡକ ପଟରୁ ଗାଁକୁ ସଂଯୋଗ କରୁଥିବା ରାସ୍ତା ଧୋଇ ହୋଇଯାଇଛି । ଫଳରେ ଗ୍ରାମବାସୀ ମିଶି କିଛି ମାଟି ପକାଇ ଯିବାଆସିବା ପାଇଁ ରାସ୍ତା ନିର୍ମାଣ କରିଛନ୍ତି ।
ତେବେ ସେଥିରେ ଆମ୍ବୁଲାନ୍ସ କିମ୍ବା ଭାରିଯାନ ଚଳାଚଳ କରିପାରୁ ନାହିଁ । ଏହି ରାସ୍ତା ଉପରେ ପାଞ୍ଚଟି ପଞ୍ଚାୟତର କୋଡିଏରୁ ଉର୍ଦ୍ଧ୍ବ ଗାଁଲୋକ ନିର୍ଭରଶୀଳ ଥିବାବେଳେ ଯାତାୟାତ ସମସ୍ୟା ଯୋଗୁଁ ଚିନ୍ତାରେ ଗ୍ରାମବାସୀ । ତୁରନ୍ତ ଏଦିଗରେ ପ୍ରଶାସନ ପକ୍ଷରୁ ପଦକ୍ଷେପ ଗ୍ରହଣ କରିବାକୁ ଗ୍ରାମବାସୀ ଦାବି କରିଛନ୍ତି।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
