ବୌଦ୍ଧ: ଜିଲ୍ଲାରେ ଧାନ ମଣ୍ଡି ଖୋଲିବା ଦିନ ଠାରୁ ଲାଗି ରହିଛି ଅଚଳାବସ୍ଥା। ମଣ୍ଡି ବନ୍ଦ ଥିବାରୁ ଧାନ ବିକ୍ରି ସହିତ ବର୍ଷାର ଭୟ ଚାଷୀଙ୍କୁ ଆତଙ୍କିତ କରିଛି। ବୌଦ୍ଧ ଜିଲ୍ଲାର ବିଭିନ୍ନ ମଣ୍ଡିରେ ଧାନକ୍ରୟ ଆରମ୍ଭ ହୋଇସାରିଛି। ଏହି କ୍ରମରେ ଗତ 16 ତାରିଖରେ ସରସରା ସମବାୟ ସମିତି ଠାରେ ଧାନକ୍ରୟର ଶୁଭାରମ୍ଭ ହୋଇଥିଲା।
ହେଲେ ସେଠାରେ କିଛି ଲୋକ ମିଲର୍ସ ଓ ଆର ଏମସିର କର୍ମଚାରୀଙ୍କୁ ତାଲା ପକାଇ ରଖିବା ଯୋଗୁଁ ସେଦିନ ଠାରୁ ଆଉ ଧାନକ୍ରୟ ହୋଇପାରୁନାହିଁ । ଫଳରେ ଆଶା ଓ ଆଶଙ୍କା ଭିତରେ ରହିଛନ୍ତି ଚାଷୀ। ୨୧ ତାରିଖ ଠାରୁ ଟୋକେନ ପାଇଥିବା ଚାଷୀ ମାନେ ଆଜି ପର୍ଯ୍ୟନ୍ତ ଧାନକ୍ରୟ କରିପାରୁ ନାହାଁନ୍ତି।
ଏପଟେ ଅଦିନିଆ ବର୍ଷା ଚାଷୀର ଆଶଙ୍କାକୁ ଦ୍ବିଗୁଣିତ କରିଛି। ସରସରା ଭଳି ଗୁନ୍ଦୁଳିଆ ସମବାୟ ସମିତିରେ ଧାନକ୍ରୟକୁ ନେଇ ମାଡପିଟ ହୋଇ ମଣ୍ଡିରେ ଅଚଳାବସ୍ଥା ସୃଷ୍ଟି ହୋଇଛି । ଆଗାମୀ ଦୁଇ ତିନି ଦିନ ମଧ୍ୟରେ ଆଲୋଚନା ମାଧ୍ୟମରେ ସମସ୍ୟାର ସମାଧାନ ହୋଇଯିବ ବୋଲି ଯୋଗାଣ ଅଧିକାରୀ କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
