ବୌଦ୍ଧ: ନୂଆଖାଇ ପାଇଁ ଇଷ୍ଟଦେବୀ ମା ଭୈରବୀଙ୍କ ପୀଠରେ ଧାର୍ଯ୍ୟ ହେଲା ଲଗ୍ନ । ବୌଦ୍ଧ ରାଜତନ୍ତ୍ର ଶାସନ କାଳରୁ ଦେବୀ ଭୈରବୀଙ୍କ ନିକଟରେ ନବାନ୍ନ ଲାଗି ହେବା ପରେ ଅନ୍ୟାନ୍ୟ ପୀଠରେ ନବାନ୍ନ ଲାଗି ହେବା ବିଧି ରହିଛି । ବୌଦ୍ଧ ରାଜବାଟୀ ନିକଟରେ ଥିବା ଦେବୀ ଭୈରବୀ ମନ୍ଦିର ପରିସରରେ ପଣ୍ଡିତ ମଣ୍ଡଳୀ ଓ ପରିଚାଳନା କମିଟିର ବୈଠକରେ ନବାନ୍ନ ପାଇଁ ଲଗ୍ନ ଧାର୍ଯ୍ୟ କରାଯାଇଥିଲା ।
ଆସନ୍ତା ଭାଦ୍ରବ ପଞ୍ଚମୀ ଅର୍ଥାତ ଏଗାର ତାରିଖ ଦିବା 10ଘଣ୍ଟା 21 ମିନଟ ଠାରୁ ଦିବା 12 ଘଣ୍ଟା 49 ମିନିଟ ମଧ୍ୟରେ ନବାନ୍ନ ଲାଗି ପାଇଁ ଲଗ୍ନ ଧାର୍ଯ୍ୟ ହୋଇଛି । ନୂଆଖାଇ ପାଇଁ ପୁରପଲ୍ଲୀରେ ପିଠାପଣା ଓ ନାଚଗୀତର ଆସର ମଧ୍ୟ ଜମିଥାଏ । କିନ୍ତୁ ଚଳିତ ବର୍ଷ ଏହି ନୂଆଖାଇର ଉତ୍ସାହ ଏତେଟା ପରିଲକ୍ଷିତ ହେଉନାହିଁ ।
ବିଶେଷ ଭାବରେ ସ୍ବଳ୍ପ ବୃଷ୍ଟିପାତ ଓ ଜଳସେଚନ ଅଭାବରୁ ଚାଷ କାର୍ଯ୍ୟ ଆଦୌ ଆଗେଇ ପାରି ନଥିବା ବେଳେ ଚାଷୀମାନେ ମରୁଡିର ସମ୍ମୁଖୀନ ହେବେ ବୋଲି ଆଶଙ୍କା କରାଯାଉଛି ।ଏଣୁ କେବଳ ପରମ୍ପରାକୁ ବଜାୟ ରଖି ନୂଆଖାଇ ଉତ୍ସବ ପାଳନ ପାଇଁ ପ୍ରସ୍ତୁତି ଆରମ୍ଭ ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
