ବୌଦ୍ଧ: ଜିଲ୍ଲାରେ ପାଳିତ ହୋଇଯାଇଛି ଆନନ୍ଦ ଓ ଶ୍ରଦ୍ଧାର ପର୍ବ ମହାଖଳା ଉତ୍ସବ । ଏହି ନିଆରା ଉତ୍ସବକୁ କେତେକ ଛତ୍ରଯାତ୍ରା ବୋଲି ମଧ୍ୟ ଅଭିହିତ କରିଥାନ୍ତି ।
ଏହି ଉତ୍ସବ ପ୍ରକୃତପକ୍ଷେ ଡୁମାଳ ସଂପ୍ରଦାୟର ବର୍ଷର ସବୁଠାରୁ ବଡପର୍ବ । ଆଶ୍ବୀନ ମାସର ମୂଳାଷ୍ଟମୀଠାରୁ ଆରମ୍ଭ ହୋଇଥିବା ଶାରଦୀୟ ପୂଜା ସହିତ କୁମାର ପୂର୍ଣ୍ଣିମାରେ ସମାପ୍ତ ହୋଇଥାଏ । ଡୁମାଳ ସଂପ୍ରଦାୟର ଇଷ୍ଟଦେବୀ ମାହେଶ୍ବରୀଙ୍କ ଘଟ ଗ୍ରାମ ପରିକ୍ରମା ପରେ ଡିମୁଳ ବା ଗାଁ ପୀଠକୁ ବିଜେ କରି ରାତି ତମାମ ବିଭିନ୍ନ ଉପଚାରରେ ପୂଜା ପାଇଥାନ୍ତି ।
ମା' ମାହେଶ୍ବରୀଙ୍କ ମହାଖଳା ଉତ୍ସବ
ରବିବାର ବୌଦ୍ଧ ଜିଲ୍ଲାର ବିଭିନ୍ନ ମାହେଶ୍ବରୀଙ୍କ ପୀଠରେ ଶ୍ରଦ୍ଧାଳୁମାନେ ଏକତ୍ରିତ ହୋଇ ଏହି ମହାଖଳା ପୂଜାକୁ ସମାପନ କରିଥିଲେ । ବୌଦ୍ଧ ଜିଲ୍ଲାର ବାମଣ୍ଡା, ବାଉଁଶୁଣୀ ଭଳି ବିଭିନ୍ନ ପ୍ରାଚୀନ ମାହେଶ୍ବରୀ ପୀଠରେ ଏହି ଉତ୍ସବକୁ ଆନନ୍ଦର ସହିତ ପାଳନ କରାଯାଇଥିଲା ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
