ବୌଦ୍ଧ: ଜିଲ୍ଲା ପ୍ରଶାସନ ଲକଡାଉନ ନିୟମ ମଙ୍ଗଳବାର ଠାରୁ କୋହଳ କରିଛନ୍ତି । ସେହିପରି ଅନଲାଇନରେ ବିଦେଶୀ ମଦ ବିକ୍ରି ପାଇଁ ଅନୁମତି ରହିଥିଲେ ମଧ୍ୟ ଦୋକାନ ଗୁଡିକରେ ପ୍ରବଳ ଗହଳି କରି ମଦବିକ୍ରି ହେଉଥିବା ଅଭିଯୋଗ ପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବୌଦ୍ଧ ଜିଲ୍ଲା ପ୍ରଶାସନ ଲକଡାଉନ ନିୟମରେ କୋହଳ କରିଛି । ସକାଳ ସାତଟାରୁ ସଂଧ୍ୟା ସାତଟା ପର୍ଯ୍ୟନ୍ତ ଦୋକାନ ବଜାର ଖୋଲା ରଖିବାକୁ ନିଷ୍ପତ୍ତି ନେଇଛନ୍ତି। ଏନେଇ ବିଧିବଦ୍ଧ ଭାବେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଏହି ସୂଚନା ଦେଇଛନ୍ତି ।
ସେହିପରି ସରକାରଙ୍କ ନିୟମ ମୁତାବକ ବୌଦ୍ଧ ଜିଲ୍ଲାର 13ଟି ବିଦେଶୀ ମଦ ଦୋକାନକୁ ଅନଲାଇନରେ ମଦବିକ୍ରି ପାଇଁ ଅନୁମତି ମିଳିଛି । ତେବେ କେତେକ ମଦ ଦୋକାନରେ ମଦବିକ୍ରି ହେଉଥିବା ଅଭିଯୋଗ ପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଅନଲାଇନରେ ମଦ କିଣୁଥିବା ଗ୍ରାହକଙ୍କ ରାସନ କାର୍ଡ ଅବୈଧ କରିବାକୁ ଦାବି କରିଛନ୍ତି ବୁଦ୍ଧିଜୀବୀ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
