ବୌଦ୍ଧ: 'ବନ୍ଦେ ଉତ୍କଳ ଜନନୀ'କୁ ରାଜ୍ୟ ସଙ୍ଗୀତର ମାନ୍ୟତା ପ୍ରଦାନ ବିରୋଧରେ ପ୍ରତିବାଦ କରିଛି କୋଶଳ କ୍ରାନ୍ତିଦଳ । ବୌଦ୍ଧ ଜିଲ୍ଲା କୋଶଳ କ୍ରାନ୍ତି ଦଳର ଆବାହକ ଲଳିତ ମୋହନ ସାହୁଙ୍କ ନେତୃତ୍ବରେ କର୍ମୀମାନେ ମନମୁଣ୍ଡା ଗାନ୍ଧୀ ଛକଠାରେ ବିକ୍ଷୋଭ ପ୍ରଦର୍ଶନ ସହିତ କୁଶ ପୁତ୍ତଳିକା ଦାହ କରିଥିଲେ ।
'ବନ୍ଦେ ଉତ୍କଳ ଜନନୀ' ସଙ୍ଗୀତକୁ କୋଶଳ କ୍ରାନ୍ତି ଦଳର ତୀବ୍ର ବିରୋଧ
ଦଳର ଅଭିଯୋଗ ଅନୁଯାୟୀ ଉତ୍କଳର ଅର୍ଥ ପୂର୍ବ ଉପକୂଳ ତଥା ଓଡିଶାକୁ ବୁଝାଉଛି । କେବଳ ଏକ ନିର୍ଦ୍ଦିଷ୍ଟ ଅଞ୍ଚଳକୁ ବୁଝାଉଥିବା ସଙ୍ଗୀତକୁ ବିରୋଧ ସହିତ ପଶ୍ଚିମ ଓଡିଶାକୁ ସବୁ କ୍ଷେତ୍ରରେ ଅଣଦେଖା କରାଯାଉଥିବା ଦଳ ଅଭିଯୋଗ କରିଛି । ତେବେ ଏଭଳି ବିରୋଧ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ଜିଲ୍ଲାର ଆବାହକ ସୂଚନା ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
