ବୌଦ୍ଧ:ଉଭୟ ଜିଲ୍ଲା ଅବକାରୀ ବିଭାଗ ଓ ପୋଲିସକୁ ଗତ ସପ୍ତାହ ମଧ୍ୟରେ ଗଞ୍ଜେଇ ଚାଷ ନଷ୍ଟ ଅଭିଯାନରେ ବଡ ସଫଳତା ମିଳିଛି । ଶୁକ୍ରବାର ଗୋଟିଏ ଦିନରେ ଉଭୟେ ପ୍ରାୟ ପଚାଶ କୋଟିର ଗଞ୍ଜେଇ ଚାଷ ନଷ୍ଟ କରିଛନ୍ତି ।
ବୌଦ୍ଧରେ ପୋଲିସ ଓ ଅବକାରୀ ବିଭାଗର ଚଢାଉ, 50 କୋଟିର ଗଞ୍ଜେଇ ଚାଷ ନଷ୍ଟ
ଜିଲ୍ଲା ଅବକାରୀ ବିଭାଗର ମିଳିତ ଚଢାଉରେ ଆମ୍ବଝରୀ ପଞ୍ଚାୟତ ଗଣ୍ଡିସର ଓ ସୁନାଝରୀ ଅଞ୍ଚଳର ଜଙ୍ଗଲରେ ହୋଇଥିବା 63 ଏକର ଗଞ୍ଜେଇ ଚାଷକୁ ନଷ୍ଟ କରାଯାଇଛି । ଯାହାର ଆନୁମାନିକ ମୂଲ୍ୟ ପ୍ରାୟ 18 କୋଟି ହେବ ବୋଲି ସୂଚନା ମିଳିଛି । ସେହିପରି ବୌଦ୍ଧ ପୋଲିସ ବଘିଆପଡା ଫାଣ୍ଡି ଅନ୍ତର୍ଗତ ରାମେଶ୍ୱର ଗ୍ରାମ୍ୟ ଜଙ୍ଗଲରେ ଚଢ଼ାଉ କରି ପ୍ରାୟ 125 ଏକରରୁ ଊର୍ଦ୍ଧ୍ବ ଗଞ୍ଜେଇ ଚାଷକୁ ନଷ୍ଟ କରିଛି । ଯାହାର ଆନୁମାନିକ ମୂଲ୍ୟ ପ୍ରାୟ 31 କୋଟିରୁ ଅଧିକ ହେବ ବୋଲି ସୂଚନା ମିଳିଛି । ଏହି ଚଢାଉ ଆଗାମୀ ଦିନରେ ଆହୁରି ଜୋରଦାର କରାଯିବ ବୋଲି ଅବକାରୀ ଅଧୀକ୍ଷକ କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
