ବୌଦ୍ଧ: ଶ୍ରମିକ କାର୍ଡ ନାରେ ଠକେଇ ମାମଲାରେ ଯୁବକକୁ କାବୁ କରି ପୋଲିସର ଜିମା ଦେଲେ ମହିଳା ଶ୍ରମିକ । ଶ୍ରମ ବିଭାଗର ସଲାସୁତୁରାରେ ଜିଲ୍ଲାରେ ଏଭଳି ଠକେଇ ହେଉଥିବା ଅଭିଯୋଗ ହୋଇଛି ।
ଶ୍ରମିକ କାର୍ଡ ନାଁରେ ଠକେଇ, ଦଲାଲକୁ କାବୁ କଲେ ମହିଳା ଶ୍ରମିକ
ବୀରନରସିଂପୁର ଅଞ୍ଚଳର କିଛି ମହିଳା ଶ୍ରମିକ ସେମାନଙ୍କ ଶ୍ରମ କାର୍ଡର ବୈଧତା ନେଇ ବୌଦ୍ଧ ଶ୍ରମ ଅଧିକାରୀଙ୍କ ନିକଟକୁ ଆସିଥିଲେ । ଶ୍ରମିକମାନେ ସେମାନଙ୍କ କାର୍ଡ ନକଲି ବୋଲି ସୂଚନା ପାଇବା ପରେ ସେଠାକୁ ଆସିଥିବା ଉକ୍ତ ଯୁବକକୁ କାବୁ କରି ବୌଦ୍ଧ ପୋଲିସର ଜିମା ଦେଇଥିଲେ । ଯୁବକ ଜଣକ ଲିଗାଲ ସେଲର ଅଧିକୃତ କର୍ମଚାରୀ ।
ଶ୍ରମ ଅଧିକାରୀ ଅଭିଯୋଗ ମିଳିଲେ ତଦନ୍ତ ହେବ ବୋଲି କହିଛନ୍ତି । ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ବେଳେ ଶ୍ରମ ବିଭାଗର ଭୂମିକା ଏବେ ସନ୍ଦେହ ଘେରକୁ ଚାଲି ଆସିଛି । ଶ୍ରମ ବିଭାଗର ଜ୍ଞାତସାରରେ ଏଭଳି ବେଆଇନ କାର୍ଯ୍ୟ ଚାଲିଥିବା ସବୁଆଡେ ଚର୍ଚ୍ଚା ହେଉଛି । ଯୁବକ ଜଣକ ଲିଗାଲ ସେଲର ଅଧିକୃତ କର୍ମଚାରୀ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
