ବୌଦ୍ଧ: କୋରୋନା ସଂକ୍ରମଣ ଭୟରେ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଜିଲ୍ଲା ପ୍ରଶାସନ ସମସ୍ତ ସେବାଶ୍ରମକୁ ଖାଲି କରିଦେଇଛନ୍ତି । ୨୫ ତାରିଖରୁ ଆସନ୍ତା ଜୁନ ୧୫ ପର୍ଯ୍ୟନ୍ତ ବିଦ୍ୟାଳୟ ଗୁଡିକ ଛୁଟି କରିଦିଆଯାଇଛି ।
କୋରୋନା ସଂକ୍ରମଣର ଭୟାବହତାକୁ ଦୃଷ୍ଟିରେ ରଖି ବୌଦ୍ଧ ଜିଲ୍ଲାର ସମସ୍ତ ସେବାଶ୍ରମ ବିଦ୍ୟାଳୟକୁ ଛୁଟି କରିଦିଆଯାଇଛି । ସେବାଶ୍ରମରେ ରହୁଥିବା ସମସ୍ତ ଛାତ୍ରଛାତ୍ରୀଙ୍କୁ ଅଗ୍ରୀମ ତିନି ମାସର ଷ୍ଟାଇପେଣ୍ଡ ଅର୍ଥ ସହିତ ସେମାନଙ୍କ ଅବିଭାବକଙ୍କ ଜିମାରେ ଘରକୁ ପଠାଇ ଦିଆଯାଇଛି ।
ତେବେ ସେବାଶ୍ରମରେ କୋରୋନା ସଂକ୍ରମଣର ଭୟ ରହୁଥିବାରୁ ଏଭଳି ପଦକ୍ଷେପ ନିଆଯାଇଥିବା ଜିଲ୍ଲାପାଳ ସୂଚନା ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ