ବୌଦ୍ଧ: ରାଜ୍ୟରେ ଚାଷୀ ଆତ୍ମହତ୍ୟା ଥମିବାର ନା ଧରୁନି । ସରକାରଙ୍କ କାଳିଆ ସହାୟତା କି ଆଶ୍ବାସନା ଚାଷୀଙ୍କ ଭରସା ପାଉନାହିଁ । ଆଜି ବୌଦ୍ଧ ଜିଲ୍ଲା ଶଗଡା ଫାଣ୍ଡି ଅନ୍ତର୍ଗତ ଗୁନ୍ଦଳିଆ ପଞ୍ଚାୟତ ଦମାଗୋରାର ଚାଷୀ ରାଜା ଭବସାଗର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଭବସାଗରଙ୍କ ମୃତଦେହକୁ ବାଘନଦୀ ନିକଟରୁ ସ୍ଥାନୀୟ ଲୋକେ ଉଦ୍ଧାର କରି ବାଉଁଶୁଣୀ ଡାକ୍ତରଖାନାକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଅଭିଯୋଗ ଅନୁସାରେ ଭବସାଗର ଏକ ଏକର ଜମିରେ 30ହଜାର ଟଙ୍କା ଋଣ ନେଇ ଚାଷ କରିଛନ୍ତି । ତେବେ ଆତ୍ମହତ୍ୟା ଋଣ ଯୋଗୁଁ କରିଛନ୍ତି ନା ଆଉ କୌଣସି କାରଣ ରହିଛି ତାହା ସ୍ପଷ୍ଟ ହୋଇନାହିଁ । ମନମୁଁଣ୍ଡା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
