ବୌଦ୍ଧ: ଜିଲ୍ଲାର ବାଉଁଶୁଣୀଠାରେ ଛ’ଦିନ ଧରି ଚାଲିଥିବା ଲୋକ ମହୋତ୍ସବ ସୋମବାର ଉଦଯାପିତ ହୋଇଛି । ଗତ ପାଞ୍ଚ ତାରିଖରୁ ଆରମ୍ଭ ହୋଇଥିବା ଏହି ଲୋକ ମହୋତ୍ସବ ପ୍ରତିକୂଳ ପାଗ ସତ୍ତ୍ବେ ପ୍ରତ୍ୟେକ ଦିନ ଜିଲ୍ଲା ତଥା ରାଜ୍ୟସ୍ତରୀୟ ନୃତ୍ୟ, ସଂଗୀତ କାର୍ଯ୍ୟକ୍ରମ ଦେଖିବାକୁ ପ୍ରବଳ ଭିଡ ପରିଲକ୍ଷିତ ହୋଇଥିଲା ।
ଉଦଯାପିତ ହେଲା ବାଉଁଶୁଣୀ ଲୋକ ମହୋତ୍ସବ
ଏହି ଉଦଯାପନୀ ଉତ୍ସବରେ କଣ୍ଟାମାଳ ବିଧାୟକ ମହୀଧର ରଣା ଓ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗ ଦେଇଥିଲେ । ବାଉଁଶୁଣୀ ଅଞ୍ଚଳର ଲୋକକଳା ଓ ସଂସ୍କୃତିକୁ ବିଶ୍ବ ଦରବାରରେ ପହଞ୍ଚାଇବା ଲକ୍ଷ୍ୟରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି ବୋଲି ଆୟୋଜକ କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
