ବୌଦ୍ଧ: ଆଗକୁ ସାଧାରଣ ନିର୍ବାଚନ । ନିର୍ବାଚନକୁ ନେଇ ଚାରିଆଡେ ତାତି ଦେଖିବାକୁ ମିଳିଛି । ସାଧାରଣ ନିର୍ବାଚନକୁ ନେଇ ରାଜଧାନୀ ଠାରୁ ଆରମ୍ଭ କରି ଉପାନ୍ତ ଅଞ୍ଚଳ ଉଠୁଛି ପଡୁଛି । ଏଥର କିନ୍ତୁ ନିର୍ବାଚନରେ ଜିଲ୍ଲାରବିଜେଡି ଓ ବିଜେପି ମଧ୍ୟରେ କଡା ମୁକାବିଲା ଦେଖିବାକୁ ମିଳିବ । କାରଣ ଏବେ ଠାରୁ କଣ୍ଟାମାଳ ନିର୍ବାଚନ ମଣ୍ଡଳୀରେ ହାଇ ଭୋଲଟେଜ୍ ସୋ ଦେଖିବାକୁ ମିଳିଲାଣି ।
ତେବେ ଜିଲ୍ଲାର ଦୁଇଟି ନିର୍ବାଚନ ମଣ୍ଡଳୀରେ ନାମାଙ୍କନ ପତ୍ର ଦାଖଲ ଚାଲିଛି । ତୃତୀୟ ଦିନ ସୁଦ୍ଧା ସମୁଦାୟ ୨୭ ଗୋଟି ନାମାଙ୍କନ ପତ୍ର ଦାଖଲ ହୋଇଛି । ତେବେ ନାମାଙ୍କନ ପତ୍ର ଦାଖଲ ବେଳେ ନେତାଙ୍କ ହେଭିୱେଟ୍ ରୋଡ୍ ସୋ ଦେଖିବାକୁ ମିଳିଛି । ବିଧାୟକ ପ୍ରାର୍ଥୀ ମହିଧର ରଣା ନିର୍ବାଚନ ମଣ୍ଡଳୀରେ ପହଞ୍ଚିବା ପରେ ଏହି ରୋଡ୍ ସୋ ହୋଇଥିଲା । ଯାହାକୁ ବିଜେଡିର ଏକ ଗୋଷ୍ଠି ପ୍ରବଳ ବିରୋଧ କରିଥିଲେ ।
ଆଗକୁ ନିର୍ବାଚନ ଥିବାରୁ ବର୍ତ୍ତମାନ ଠାରୁ ପ୍ରାର୍ଥୀ ମାନେ ନିଜ ଶକ୍ତି ପ୍ରଦର୍ଶନ ଆରମ୍ଭ କରି ଦେଲେଣି । ଏଥର ଜିଲ୍ଲାରେ ପ୍ରମୁଖ ଦଳ ମଧ୍ୟରେ ଜୋରଦାର ଲଢେଇ ହେବ ବୋଲି ଚର୍ଚ୍ଚା ଜୋର ଧରିଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
