ବୌଦ୍ଧ: ଜିଲ୍ଲାରେ ସ୍ବାସ୍ଥ୍ୟ ସେବାର ପୁଣିଥରେ ନଗ୍ନ ଚିତ୍ର ସାମ୍ନାକୁ ଆସିଛି । ଡାକ୍ତରଙ୍କ ଅଭାବରୁ ହେଉ କିମ୍ବା ଯନ୍ତ୍ରପାତି ଅଭାବ କାରଣରୁ ପୂର୍ବରୁ ରୋଗୀ ହନ୍ତସନ୍ତ ହେବାର ଦୃଶ୍ୟ ଦେଖିଥିବେ । ମାତ୍ର ବୌଦ୍ଧରେ ଭିନ୍ନ ଏକ ଚିତ୍ର ସାମ୍ନାକୁ ଆସିଛି । ରୋଗୀକୁ ତୋର-ମୋର କହି ୨ ଜଣ ଡାକ୍ତରଙ୍କ କଳିରେ ଶେଷରେ ଜଣେ ପ୍ରସୂତିଙ୍କୁ ଡାକ୍ତରଖାନା ବାହାରେ ରହିବାକୁ ପଡିଛି । ଦୁଇ ଜଣ ଡାକ୍ତରଙ୍କ ପ୍ରତିଯୋଗିତାର କଳିରେ ଯନ୍ତ୍ରଣାରେ ଛଟପଟ ହେଲେ ଜଣେ ପ୍ରସୂତୀ ମହିଳା ।
ପ୍ରସୂତିଙ୍କୁ ଡାକ୍ତରଖାନାରୁ ବାହାର କରିଦେଲେ ଡାକ୍ତର
ଆସନ୍ନ ପ୍ରସବା ମହିଳା ଜଣକ ରାତିର ଥଣ୍ଡା କାକରରେ ଡାକ୍ତରଖାନା ବାହାରେ ପଡି ରହିଥିଲେ । ତେବେ ଡାକ୍ତରଙ୍କ ଏଭଳି ମାନସିକତାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଉଛି । ଏନେଇ ସ୍ବାସ୍ଥ୍ୟ ବିଭାଗର ପ୍ରତିକ୍ରିୟା ମିଳିପାରି ନାହିଁ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
