ବୌଦ୍ଧ: ବ୍ୟାଙ୍କରେ ମିଳୁନାହିଁ ଗ୍ରାହକଙ୍କୁ ଉତ୍ତମ ସେବା । ଫଳରେ ଗ୍ରାହକ ଅସନ୍ତୋଷ ଦେଖାଦେଇଛି । ବୌଦ୍ଧ ଜିଲ୍ଲାର ଜହ୍ନାପଙ୍କ ଷ୍ଟେଟ ବ୍ୟାଙ୍କ ଶାଖାରେ ଦୀର୍ଘ ଦିନ ହେଲା ଗ୍ରାହକଙ୍କୁ ଅଶୋଭନୀୟ ବ୍ୟବହାର ହେଉଥିବା ଅଭିଯୋଗ ହୋଇଆସୁଥିଲା । ଶେଷରେ ଆଜି ଉତ୍ୟକ୍ତ ଗ୍ରାହକ ମାନେ ମିଳିତ ହୋଇ ବ୍ୟାଙ୍କ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଧାରଣାରେ ବସିଥିଲେ ।
ଶାଖା ପରିଚାଳକଙ୍କୁ ତୁରନ୍ତ ବଦଳି ଦାବି କରି ପୋଲିସର ଉପସ୍ଥିତିରେ ଏକ ଦାବିପତ୍ର ପ୍ରଦାନ କରାଯାଇଥିଲା । ବିଶେଷ ଭାବରେ ବର୍ତ୍ତମାନ ଧାନକ୍ରୟ ଚାଲିଥିବା ବେଳେ ଚାଷୀଙ୍କୁ ଠିକରେ ସେବା ମିଳୁ ନଥିବାରୁ ଚାଷୀ ଅତିଷ୍ଠ ହୋଇପଡିଛନ୍ତି । ସେପଟେ ବୌଦ୍ଧ କେନ୍ଦ୍ର ସମବାୟ ବ୍ୟାଙ୍କ ଅଧିନରେ ଥିବା ମୁଣ୍ଡାପଡା ମିନି ବ୍ୟାଙ୍କ ଓ ଶଗଡା ସ୍ଥିତ ଉତ୍କଳ ଗ୍ରାମ୍ୟ ବ୍ୟାଙ୍କରେ ମଧ୍ୟ ଗ୍ରାହକଙ୍କୁ ଅଶୋଭନୀୟ ବ୍ୟବହାର ପ୍ରଦର୍ଶନ କରାଯାଉଥିବା ଅଭିଯୋଗ ହୋଇଛି । ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଗ୍ରାହକ ମହଲରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
