ବୌଦ୍ଧ: ଲକଡାଉନ ନିୟମକୁ ସମ୍ମାନ ଜଣାଇ ମୁସଲମାନ ଭାଇଭଉଣୀ ନିଜ ଘରେ ରହି ଇଦ ପାଳନ କରିଛନ୍ତି । ବୌଦ୍ଧ ଜିଲ୍ଲାର ବିଭିନ୍ନ ମସଜିଦରେ ମୁସଲମାନ ସଂପ୍ରଦାୟର ଅନ୍ୟତମ ମୁଖ୍ୟ ପର୍ବ ଇଦ ନିରାଡମ୍ବର ଭାବେ ପାଳନ କରାଯାଇଛି ।
ପବିତ୍ର ଇଦ ଅବସରରେ କୋରୋନା ମହାମାରୀକୁ ଦୂରେଇବା ପାଇଁ ଆଲ୍ଲାଙ୍କ ନିକଟରେ ପ୍ରାର୍ଥନା
ଲକଡାଉନ ଯୋଗୁଁ ମୁସଲମାନ ଧର୍ମାବଲମ୍ବୀ ନିଜ ନିଜ ଘରେ ରହି ନମାଜ ପାଠ ସହ ଇଦ ପାଳନ କରିଥିଲେ । ସେହିପରି ବିଭିନ୍ନ ମସଜିଦରେ ମଧ୍ୟ ମୌଲବୀମାନେ ନମାଜ ପାଠ ସହ କୋରୋନା ମହାମାରୀକୁ ଦୂରେଇ ଦେବାପାଇଁ ଆଲ୍ଲାଙ୍କ ନିକଟରେ ପ୍ରାର୍ଥନା କରିଛନ୍ତି ।
ବୌଦ୍ଧ ସହରର ଦୁଇଟି ପ୍ରମୁଖ ମସଜିଦ ସହିତ ଜିଲ୍ଲାର ଅନ୍ୟାନ୍ୟ ମସଜିଦରେ ଇଦ ଉତ୍ସବ ନିରାଡମ୍ବର ଭାବେ ପାଳନ କରାଯାଇଛି । ମନମୁଣ୍ଡା ଥାନା ନିକଟରେ ଥିବା ମସଜିଦରେ ମଧ୍ୟ କେବଳ ଔପଚାରିକ ଭାବେ ଇଦ ପାଳନ କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
