ନିୟମ ମାନିବାକୁ ଲୋକଙ୍କୁ ସଚେତନ କଲେ ଜିଲ୍ଲାପାଳ ଓ ଏସପି

ରାଜ୍ୟ ସାରା ଦେଶରେ ଦିନକୁ ଦିନ କୋରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ସଂକ୍ରମଣକୁ ଦୃଷ୍ଟିରେ ରଖି ବୁଲି ବୁଲି ଲୋକଙ୍କୁ ସଚେତନ କଲେ ଜିଲ୍ଲାପାଳ ଏବଂ ଏସପି । ଅଧିକ ପଢନ୍ତୁ....

ବୌଦ୍ଧ: ମାଡି ଆସୁଛି କୋରୋନା ସଂକ୍ରମଣର ଦ୍ବିତୀୟ ଲହର । କିନ୍ତୁ ଜନସାଧାରଣ ସଚେତନ ହେଉନଥିବାରୁ ଆଜି(ଶନିବାର) ଖୋଦ ଜିଲ୍ଲାପାଳ ଏବଂ ଏସପି ବଜାରର ବିଭିନ୍ନ ସ୍ଥାନ ବୁଲି ଲୋକଙ୍କୁ ସଚେତନ କରିଛନ୍ତି ।

ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରୁ ଆଜି ସାତଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଲୋକେ କିନ୍ତୁ ଆଦୌ ସଚେତନ ରହୁନାହାଁନ୍ତି । ଫଳରେ ଲୋକଙ୍କୁ ସଚେତନ କରିବାକୁ ଖୋଦ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଏସପି ଭି ରଘୁନାଥ ରାଓ, ସହକାରୀ ଜିଲ୍ଲାପାଳ ଅବିନାଶ ପାଣ୍ଡିଆ ଓ ଅନ୍ୟାନ୍ୟ ବରିଷ୍ଠ ଅଧିକାରୀ ପ୍ରମୁଖ ବୌଦ୍ଧ ସହରର ବିଭିନ୍ନ ସ୍ଥାନରେ ବୁଲିଥିଲେ । ଅନେକ ସ୍ଥାନରେ ଲୋକଙ୍କୁ ମାସ୍କ ବଣ୍ଟନ ସହ ଅତି ଆବଶ୍ୟକ ନ ପଡିଲେ ଘରୁ ନ ବାହାରିବାକୁ ପରାମର୍ଶ ଦେଇଛନ୍ତି ।ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ