ବୌଦ୍ଧ: ବାତ୍ୟା ‘ଫନି’ ଓଡ଼ିଶାର ବିଭିନ୍ନ ସ୍ଥାନରେ ତାଣ୍ଡବଲୀଳା ରଚିଥିବା ବେଳେ ଜିଲ୍ଲାର ଦୁଇ ନିର୍ବାଚନ ମଣ୍ଡଳୀ ବୌଦ୍ଧ ଓ କଣ୍ଟାମାଳ ବିଜେପି ପକ୍ଷରୁ ଇଭିଏମକୁ ରଖାଯାଇଥିବା ଷ୍ଟ୍ରଙ୍ଗ ରୁମ ନିକଟରେ ଅସ୍ଥାୟୀ ସୁରକ୍ଷା ଶିବିର ଖୋଲାଯାଇ ନଜର ରଖାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଷ୍ଟ୍ରଙ୍ଗ ରୁମ ନିକଟରେ ବିଜେପି ପ୍ରାର୍ଥୀଙ୍କ ପ୍ରତିନିଧି ୨୪ ଘଣ୍ଟା ସିସିଟିଭି ଫୁଟେଜ ସହାୟତାରେ ସୁରକ୍ଷା ବ୍ୟବସ୍ଥା ଉପରେ କଡା ନଜର ରଖିଥିବା ବିଜେପି କର୍ମୀ ଶ୍ୟାମଘନ ଖମାରୀ କହିଛନ୍ତି ।
ଶୁକ୍ରବାର ଫନି ବାତ୍ୟା ସମୟରେ ବିଜେପିର ବୌଦ୍ଧ ପ୍ରାର୍ଥୀ ସୁଶାନ୍ତ କୁମାର ପ୍ରଧାନ ଓ କଣ୍ଟାମାଳ ପ୍ରାର୍ଥୀ କହ୍ନେଇ ଚରଣ ଡାଙ୍ଗ, ବୌଦ୍ଧ ଉପଜିଲ୍ଲାପାଳ ତଥା ରିଟର୍ଣ୍ଣିଂ ଅଧିକାରୀ ଏନସି ଜ୍ୟୋତି ରଞ୍ଜନ ନାଏକ ଏବଂ ସୁରକ୍ଷା ଅଧିକାରୀଙ୍କ ଉପସ୍ଥିତିରେ ଷ୍ଟ୍ରଙ୍ଗ ରୁମ ଓ ଏହାର ଚତୁଃପାର୍ଶ୍ବର ସୁରକ୍ଷା ବ୍ୟବସ୍ଥାକୁ ଅନୁଧ୍ୟାନ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
