ବୌଦ୍ଧ: ଲଘୁ ଖଣିଜ ସମ୍ପଦର ହରିଲୁଟ ଅଭିଯୋଗ । ରେଳପଥ ନିର୍ମାଣ କାର୍ଯ୍ୟରେ ଏକ ନିର୍ଦ୍ଦିଷ୍ଟ କ୍ରସର ସଂସ୍ଥାର ନିମ୍ନମାନର ମେଟାଲ ଓ ଚିପ୍ସ ବ୍ୟବହାର ହେଉଥିବା ନେଇ ଅଭିଯୋଗ ହୋଇଛି ।
ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କି, ଅତି ତରବରିଆ ଭାବରେ ଏଠାରୁ ଅତ୍ୟନ୍ତ ନିମ୍ନମାନର ଚିପ୍ସ ଓ ମେଟାଲ ଖୋର୍ଦ୍ଧା ବଲାଙ୍ଗୀର ରେଳପଥ ନିର୍ମାଣ କାର୍ଯ୍ୟରେ ବ୍ୟବହାର ହେଉଥିବା ଭଳି ସାଙ୍ଘାତିକ ଅଭିଯୋଗ ହୋଇଛି । ଗତ କିଛି ଦିନ ପୂର୍ବରୁ ହରଭଙ୍ଗା ତହସିଲ ଅନ୍ତର୍ଗତ ଖରଭୂଇଁ ଅଞ୍ଚଳରେ ଥିବା କ୍ରସରଗୁଡିକୁ ଆଇନ ଉଲଙ୍ଘନ ଅଭିଯୋଗରେ ପ୍ରଶାସନ ପ୍ରାୟ ୧୫ କୋଟି ଟଙ୍କା ଫାଇନ କରି ଥିବାବେଳେ ରେଳପଥ ଭଳି କାର୍ଯ୍ୟରେ ନିମ୍ନମାନର ଚିପ୍ସ ଓ ଆବଶ୍ୟକତା ଠାରୁ ଢେର ଅଧିକ ଲୁଟ କିଭଳି ଚାଲିଛି ସେନେଇ ବୁଦ୍ଧିଜୀବୀ ପ୍ରଶ୍ନ ଉଠାଇଛନ୍ତି । ଏନେଇ ଅଞ୍ଚଳରେ ତୀବ୍ର ଜନ ଅସନ୍ତୋଷ ପ୍ରକାଶ ପାଇବା ସହ ଆନ୍ଦୋଳନ ପାଇଁ କେତେକ ସଂଗଠନ ସଜବାଜ ହେଉଛନ୍ତି । ସେପଟେ ଏ ସମ୍ପର୍କରେ ବୌଦ୍ଧ ତହସିଲଦାର ଅବିନାଶ ପାଣ୍ଡିଆ ତଦନ୍ତ କରି ଦୃଢ ପଦକ୍ଷେପ ଗ୍ରହଣ କରାଯିବ ବୋଲି ସୂଚନା ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
