ଭଦ୍ରକ: ଗେଷ୍ଟ ହାଉସରୁ ଯୁବକଯୁବତୀଙ୍କ ମୃତଦେହ ଉଦ୍ଧାର ଘଟଣା । ଏନେଇ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ପୋଲିସର ତଦନ୍ତ ପ୍ରକ୍ରିୟା ଉପରେ ସନ୍ଦେହ ପ୍ରକଟ କରିଛନ୍ତି ପରିବାର ଲୋକେ ।
ତେବେ ବିନା ପରିଚୟ ପତ୍ରରେ ଗେଷ୍ଟ ହାଉସ ମାଲିକ କିପରି ତାଙ୍କ ଝିଅକୁ ରୁମ ମଧ୍ୟକୁ ପ୍ରବେଶ କରିଥିଲେ ବୋଲି ମଧ୍ୟ ପ୍ରଶ୍ନ ଉଠାଇଛନ୍ତି ଯୁବତୀଙ୍କ ମାଆ । ତେଣୁ ଗେଷ୍ଟ ହାଉସ ମାଲିକ ତାଙ୍କ ଝିଅ ହତ୍ୟାକାଣ୍ଡର ମୁଖ୍ୟ ନାୟକ ବୋଲି ସେ ଅଭିଯୋଗ କରିବା ସହ ଏହାର କ୍ରାଇମବ୍ରାଞ୍ଚ ତଦନ୍ତ ଦାବି କରିଛନ୍ତି ।
ଏହି ଗେଷ୍ଟ ହାଉସରେ ଅତୀତରେ ଅନେକ ଅପରାଧିକ ଘଟଣା ଘଟିଥିଲେ ମଧ୍ୟ ସେଠାରେ କିପରି କୌଣସି ସିସିଟିଭି କ୍ୟାମେରା ନାହି । ଏହାସହ ଏନେଇ ପୋଲିସର କାର୍ଯ୍ୟ ଦକ୍ଷତା ଉପରେ ପ୍ରଶ୍ନ ଉଠାଇଛନ୍ତି ପରିବାର ଲୋକେ । ଏଥିସହ ଗେଷ୍ଟ ହାଉସର ଦସ୍ତାବିଜ ଅନୁଯାୟୀ, ହତ୍ୟାକାଣ୍ଡ ଘଟିଥିବା 107 ନମ୍ବର ରୁମରେ ସେହିଦିନ ସକାଳ 6.20ରେ ମୃତ ଯୁବକଯୁବତୀ ପ୍ରବେଶ କରିଥିଲେ । ହେଲେ ଠିକ ସେହିଦିନ ସେଇ 107 ନମ୍ବର ରୁମରେ ସକାଳ 9.00 ଟା ସମୟରେ କିପରି ଅନ୍ୟ ଜଣେ ପ୍ରବେଶ କଲେ ବୋଲି ପ୍ରଶ୍ନ କରିଛନ୍ତି ପରିବାର ଲୋକେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
