ଭଦ୍ରକ: ଶ୍ରାବଣ ମାସର ଦ୍ବିତୀୟ ସୋମବାର । ବୋଲବମ୍ ହର୍ ହର୍ ବମ୍ ଧ୍ବନିରେ ପ୍ରକମ୍ପିତ ଶୈବପୀଠ । ରାଜ୍ୟର ଅନ୍ୟତମ ପ୍ରସିଦ୍ଧ ଶୈବକ୍ଷେତ୍ର ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ବାବା ଆଖଣ୍ଡଳମଣି ପୀଠରେ ଶ୍ରାବଣ ଯାତ୍ରାରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । ବିଭିନ୍ନ ପ୍ରାନ୍ତରୁ ହଜାର ହଜାର ସଂଖ୍ୟାରେ କାଉଡିଆ ଭକ୍ତଙ୍କ ସମାଗମ ହୋଇଛି । ଭୋର 4.30ରେ ବାବାଙ୍କ ପହୁଡ ଖୋଲିବା ପରେ କାଉଡିଆ ଭକ୍ତଙ୍କ ଜଳାଭିଷେକ ଆରମ୍ଭ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଶ୍ରାବଣ ମାସରେ ରାଜ୍ୟ ତଥା ଦେଶର ବିଭିନ୍ନ ଶୈବପୀଠରେ ଜଳଲାଗି କରିବା ପାଇଁ ମାନସିକ ଧାରୀ କାଉଡ଼ିଆଙ୍କର ଭିଡ଼ ପରିଲକ୍ଷିତ ହୋଇଥାଏ । ପ୍ରତିବର୍ଷ ଶ୍ରାବଣ ଯାତ୍ରାରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ବାବା ଆଖଣ୍ଡଳମଣିଙ୍କ ପୀଠରେ ହୋଇଥାଏ । ହଜାର ହଜାର ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ମନ୍ଦିର ଏବଂ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
