ଭଦ୍ରକ: ଟ୍ରକ ଧକ୍କାରେ ଜଣେ ନବମ ଶ୍ରେଣୀ ଛାତ୍ରୀ ଗୁରୁତର । ଭଦ୍ରକ ଜିଲ୍ଲା 16 ନମ୍ବର ଜାତୀୟ ରାଜପଥ ଗେଲପୁର ନିକଟରେ ଏହି ଦୁର୍ଘଟଣା ଘଟିଥିବାବେଳେ ଛାତ୍ରୀ ଜଣଙ୍କୁ ଗୁରୁତର ଅବସ୍ଥାରେ ଚିକିତ୍ସା ନିମନ୍ତେ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଟ୍ରକ ଧକ୍କାରେ ନବମ ଶ୍ରେଣୀ ଛାତ୍ରୀ ଗୁରୁତର
ସୂଚନା ଅନୁସାରେ, ଗେଲପୁର ନିକଟରେ ଛାତ୍ରୀ ଜଣଙ୍କ ସାଇକେଲରେ ଯାଉଥିବା ସମୟରେ ତାଙ୍କୁ ଏକ ଟ୍ରକ ଧକ୍କା ଦେଇଥିଲା । ସେ ଗେଲପୁର ହାଇସ୍କୁଲର ଭାଗ୍ୟଶ୍ରୀ ମଲ୍ଲିକ ବୋଲି ଜଣାପଡିଛି । ଦୁର୍ଘଟଣା ପରେ ଉତ୍ୟକ୍ତ ଲୋକଙ୍କ ଦ୍ବାରା ଗେଲପୁରଠାରେ ଜାତୀୟ ରାଜପଥ ଅବରୋଧ କରାଯାଇଥିଲା ।
ତେବେ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାଶୁଝା କରିବା ପରେ ସ୍ଥିତି ସାମାନ୍ୟ ହେବା ସହିତ ଗାଡି ଚଳାଚଳ ସାମାନ୍ୟ ହୋଇଥିଲା । ତେବେ ବର୍ତ୍ତମାନ ଛାତ୍ରୀଙ୍କ ସ୍ବାସ୍ଥ୍ୟବସ୍ଥା ସ୍ଥିର ଅଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
