ଭଦ୍ରକ: ଜିଲ୍ଲାରେ ପ୍ରଥମ ଥର ପାଇଁ ଭ୍ରାମ୍ୟମାଣ ଏଟିଏମ ସେବା ଆରମ୍ଭ ହୋଇଛି । ଅତିରିକ୍ତ ଜିଲ୍ଲାପାଳ ଶ୍ୟାମଭକ୍ତ ମିଶ୍ର ଏହି ସେବାକୁ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । କୋରୋନା ନେଇ ଲାଗି ରହିଥିବା ପ୍ରତିବନ୍ଧକ ଯୋଗୁଁ ଏଟିଏମ ସେବା ଉପଲବ୍ଧ ନଥିବା ସ୍ଥାନମାନଙ୍କରେ ଏହି ସୁବିଧା ଯୋଗାଇ ଦିଆଯିବ ।
ଲକଡାଉନ କଟକଣାରେ ସାହାଯ୍ୟ କରିବ ଭ୍ରାମ୍ୟମାଣ ଏଟିଏମ ମେସିନ
ଲକଡାଉନ ଯୋଗୁଁ ଲୋକମାନେ ଟଙ୍କା ଉଠାଣ ପାଇଁ ନାନା ସମସ୍ୟାର ସମୁଖୀନ ହେଉଛନ୍ତି । ଏଥିସହ କୋରୋନା ନେଇ ଜାରି ସମୟ କଟକଣା ଯୋଗୁଁ ଅନେକ ଏଟିଏମ କାଉଣ୍ଟର ସମ୍ମୁଖରେ ନାହିଁ ନଥିବା ଭିଡ ମଧ୍ୟ ପରିଲକ୍ଷିତ ହେଉଛି । ତେଣୁ ଏହି ଭ୍ରାମ୍ୟମାଣ ଏଟିଏମ ସେବା ଆରମ୍ଭ ହେବା ପରେ କଟକଣା ସମୟରେ ମଧ୍ୟ ଜନସାଧାରଣ ଉପକୃତ ହେବେ ବୋଲି ସେବା ପ୍ରଦାନ କରୁଥିବା ବ୍ୟାଙ୍କ ପକ୍ଷରୁ ସୂଚନା ମିଳିଛି ।
ତେବେ ଆଗାମୀ ଦିନରେ ଏହିପରି ଭ୍ରାମ୍ୟମାଣ ଏଟିଏମ ସେବା ପ୍ରଦାନ ୟୁନିଟ ଆହୁରି ବୃଦ୍ଧି କରାଯିବ ବୋଲି ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
