ଭଦ୍ରକ: ସଙ୍ଗରୋଧ କେନ୍ଦ୍ରରୁ 4 ପ୍ରବାସୀ ଫେରାର । ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ବାସୁଦେବପୁର ବ୍ଳକ ଲକ୍ଷ୍ମୀଦାସପୁର ସଙ୍ଗରୋଧ କେନ୍ଦ୍ରରେ । ମିଳିଥିବା ସୂଚନା ଅନୁଯାଇ କିଛିଦିନ ତଳେ ଆନ୍ଧ୍ରପ୍ରଦେଶରୁ 4 ଜଣ ପ୍ରବାସୀ ଫେରିଥିବା ବେଳେ ଲକ୍ଷ୍ମୀଦାସପୁର ପଞ୍ଚାୟତ ସଙ୍ଗରୋଧ କେନ୍ଦ୍ରରେ ରହିଥିଲେ । ଏମାନେ ସମସ୍ତେ ପଢୂଆଁ ଅଞ୍ଚଳର ବୋଲି ଜଣାପଡିଛି ।
ତେବେ କୌଣସି କାରଣରୁ ସଙ୍ଗରୋଧ କେନ୍ଦ୍ରରୁ ଏହି 4 ପ୍ରବାସୀ ଫେରାର ହୋଇ ଯାଇଛନ୍ତି । ତେବେ ପ୍ରବାସୀ ମାନଙ୍କ ପାଇଁ ସଙ୍ଗରୋଧ କେନ୍ଦ୍ର କରାଯାଇଥିବା ବେଳେ ଏହାର ସୁପରିଚାଳନା କରିବା ପାଇଁ ସ୍ଥାନୀୟ ପ୍ରଶାସନଙ୍କୁ ଦାୟିତ୍ଵ ଦିଆଯାଇଛି । କିନ୍ତୁ ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ଲୁଚିପଳାଇ ଯିବା ପରେ ସଙ୍ଗରୋଧ କେନ୍ଦ୍ରର ସୁପରିଚାଳନା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ଏନେଇ ସ୍ଥାନୀୟ ସରପଞ୍ଚ ନାୟକାଣିଡିହି ଥାନାରେ ଏକ ଲିଖିତ ଅଭିଯୋଗ କରିଥିବା ସୂଚନା ମିଳିଛି । ହେଲେ ପୋଲିସ ପ୍ରଶାସନ ପକ୍ଷରୁ ଏନେଇ କୌଣସି ପ୍ରତିକ୍ରିୟା ମିଳିପାରିନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
