ଭଦ୍ରକ: ପରିବା କିଣିବା ହେଲା କାଳ । ଶନିବାର ଜଣେ ବ୍ୟକ୍ତି ପରିବା କିଣୁଥିବାବେଳେ ଏକ ଟ୍ରକ ତାଙ୍କ ଉପରେ ଚଢି ଯାଇଥିଲା । ଯାହାଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ବାଇପାସ ବଜ଼ାରରେ । ମୃତ ବ୍ୟକ୍ତି ଜଣକ ହେଲେ ଗୋପବନ୍ଧୁ ନଗରର କାଳନ୍ଦୀ ପାତ୍ର ।
ଭିଡିଓ ସୌଜନ୍ୟ;ସମ୍ବାଦଦାତା, ଇଟିଭି ଭାରତ
ସୂଚନା ଅନୁଯାୟୀ, କାଳନ୍ଦୀ ପରିବା କିଣିବାକୁ ଭଦ୍ରକ ବାଇପାସ ବଜାରକୁ ଆସିଥିଲେ । ପରିବା କିଣିବା ସମୟରେ ସେହି ରାସ୍ତାରେ ଦେଇ ଯାଉଥିବା ଏକ ହାଇୱା ଟ୍ରକ ପଛକୁ ସାଇଡ କରିବାକୁ ଯାଇ କାଳନ୍ଦୀଙ୍କ ଉପରେ ଚଢି ଯାଇଥିଲା । ଫଳରେ ଘଟଣାସ୍ଥଳରେ କାଳନ୍ଦୀଙ୍କର ମୃତ୍ୟୁ ହୋଇଥିଲା ।
ତେବେ ଏହି ଘଟଣା ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଦେଇ ଥିବାବେଳେ ଖବର ପାଇ ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ସ୍ଥିତିକୁ ନିୟନ୍ତ୍ରଣ କରିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
